एमाले बागमती अध्यक्षमा २ जनाको मात्र उम्मेदवारी कायम गराउने प्रयास, मतदान भाेलि मात्र

११ असोज, काठमाडाैं ।  नेकपा (एमाले) को बागमती प्रदेश अधिवेशनमा निर्वाचन तालिका फेरि परिवर्तन गरिएको छ । आज बिहान ८ बजे मतदान सुरु गर्ने जनाएको निर्वाचन मण्डलले अहिले मात्रै आज राति ८ बजेसम्म उम्मेदवारी फिर्ता लिने समय तोकेको छ । निर्वाचन कार्यतालिका तेस्रोपटक परिवर्तन भएको हो । नयाँ तालिका अनुसार मतदान भोलि शुक्रबार बिहान ८ बजे हुनेछ ।

अध्यक्ष पदमा कृष्णप्रसाद दाहाल, केशरबहादुर बुढाथोकी, कैलाशप्रसाद ढुंगेल, सानुकुमार श्रेष्ठको उम्मेदवारी कायम छ । ढुंगेल र दाहालको मात्र उम्मेदवारी कायम गराउन केन्द्रीय नेताहरु लागिरहेका छन् । अध्यक्षका उम्मेदवार केशव पाण्डले फिर्ता लिने घोषणा गरिसकेका छन् । निर्वाच मण्डलले अध्यक्षमा सहमतिको प्रयास भइरहेकै कारण मतदाताको अन्तिम नामावली समेत प्रकाशन गर्न सकेको छैन । 

ढुंगेललाई पार्टी अध्यक्ष केपी शर्मा ओली र दाहाललाई उपाध्यक्ष विष्णु पौडेलले च्यापेका छन् ।