पूर्वअरनिकोले जडिबुटीमा बनाएको बसपार्क नभत्काउन उच्च अदालतको अल्पकालीन आदेश

१२ असोज, काठमाडौं । पूर्वअरनिको यातायातको अगुवाइमा काठमाडौंको जडिबुटीमा ६ रोपनीमा बनाएको बसपार्क नभत्काउन उच्च अदालत पाटनले काठमाडौं महानगरपालिको नाममा अल्पकालीन आदेश जारी गरेको छ । 

 छ । न्यायाधीश गोकर्ण डाँगीको इजलासले बसपार्क नभत्काउन आज आदेश दिएको हो । सुविधा सन्तुलनको दृष्टिबाट कम्पनीले बसपार्क संचालनका लागि व्यक्तिहरुको निजी जग्गा भाडामा लिई निर्माण गरिएका संरचनाहरुलाई तोडफोड वा भत्काउने कार्य हुने उच्चले ठहर गरेको छ ।

महानगरपालिकाले उपत्यकाबाहिर छुट्ने यात्रुवाहक गत साउन १ गतेदेखि सबै सवारी साधनलाई गोंगबुस्थित नयाँ बसपार्क प्रयोग निर्देशन दिएपछि पूर्वअरनिको यातायातले सुविधाको दृष्टिले यात्रुलाई असहज र महंगो भाडा पर्ने जनाउँदै महानगरको वडा  नं. ३२ अन्तर्गत जडिबुटीमा जग्गामा भाडामा लिएर करिब  ८ कराेड रुपैयाँ लगानी सुविधायुक्त बसपार्क बनाएको थियो ।

बसपार्क बनिसकेपछि पनि महानगरले संचालनको अनुमति नदिँदा प्रयोगविही हुँदै आएको छ । अनुमतिका लागि महानगर र वडा कार्यालयमा धाउँदा संचालनको अनुमति दिनुको साटो डोजर लगाएर भत्काइदिने बताएपछि अरनिको उच्च पुगेको थियो । उसले यही बुधबार मात्र बसपार्क भत्काउने काम रोक्न अन्तरिम आदेशको मागसहित रिट निवेदन दर्ता गराएको थियो ।

साथै रिट निवेदककाे माग बमाेजिम अन्तरिम आदेश दिन पर्ने वा नपर्नेबारे छलफल दुवै पक्षलाई यही असोज १४ गते उच्चमा बोलाइएको छ । 

बसपार्क संचालन गर्न नपाउँदा अरनिकाे र बीपी राजमार्ग हुँदै चल्ने भाडा बसहरू जडिबुटी सडक क्षेत्रबाट छुट्दै आएका छन् । जडिबुटी हुँदै  सिन्धुपाल्चोक, दोलखा, सिन्धुली, काभ्रे, ओखलढुंगा लगायत धुलिखेलबाट छुट्टिने बर्दिबास पूर्वका जिल्लाहरुका लागि बस, सुमो, ह्यास, माइक्रो लगायत छुट्दै आएका छन् । यी सवारी गोंगबु जाँदा थप ट्राफिक जाम हुने र यात्रुलाई पनि थप ढुवानी भार बढ्ने हुँदा गोगबु बसपार्क अरनिको राजमार्गमा चल्ने सार्वजनिक यातायातका लागि व्यवहारिक नरहेको यात्रुहरु बताउँछन् ।

महानगरले भने संचालन गर्न नदिने अडान राखेकाे छ । महानगरका मेयन बालेन साहले अनुमति नदिने पक्षमा अडान लिँदै आएका छन् । बसपार्क संचालन गर्न अनुमति दिन सांसदहरूले समेत संसद बैठकमा आवाज उठाउँदै आइरहेका छन् ।

यो पनि पढ्नुहोस