सिरहामा कार्यरत सशस्त्रका एसपी र डीएसपी छानविनमा तानिए
नेपालबहस संवाददाता
असोज १६, २०८० मंगलबार २०:८:५४
१६ असोज, काठमाडौं । सिरहा जिल्लाबाट पास भई तस्करीका सामान बाहिर जिल्लाबाट पटक –पटक बरामद भएपछि त्यहाँ कार्यरत सशस्त्र प्रहरीका एसपी र डीएसपी छानविनमा तानिएका छन् । सशस्त्र प्रहरी बल नेपाल ७ गण सिरहा सिरहामा कार्यरत सशस्त्र प्रहरीका एसपी प्रमोद भारती र मार्डर बीओपीका डीएसपी रामहरि खड्का छानविनमा परेका हुन् ।
राजश्व अनुसन्धान कार्यालय इटहरीले शनिबार बिहान सिरहा नगरपालिका १५ सुखचैनाबाट झन्डै ५० लाख रुपैयाँ बराबरको तस्करीको कपडा बरामद गरेपछि सशस्त्र प्रहरी मुख्यालयले सिराहका एसपी र डीएसपीलाई तानेर छानबिन गर्न निर्देशन दिएको थियो । सशस्त्र प्रहरीका एसपी प्रमोद भारती र डीएसपी खड्काले तस्करसँगको मिलेमतोमा छाडेको कपडा राजश्वले बरामद गरेको हो ।
गत माघमा सिरहा पुगेका एसपी भारतीले भारतीय शहर जयनगरबाट तस्करी गरि ल्याएको कपडालाई छाडिदिएको स्रोतको दावी छ । शनिबार सर्टिङ सुटिङका कपडा, सारी, तयारी पोसाकलगायतका सामान बरामद भएको थियो । मधेश प्रदेशका डीआईजी दीपेन्द्र शाहले उनीहरूलाई वाहिनीमा तानेर छानबिन गरिरहेका छन् ।
सीमामा ठूलो परिमाणमा कपडा संकलन गरेर काठमाडौं ल्याउने तयारी भएको सूचनाका आधारमा कपडा बरामद गरिएको हो । खुला नाका भएकाले दशैंलाई लक्षित गरेर चोरी पैठारीबाट कपडा संकलन गरेर व्यापारीले ट्रकमा राख्ने तयारी गरेका बेला बरामद भएको हो । केही सामान भने बरामद हुनु अगावै ट्रकमा लोड गरेर अन्यत्र लान समेत उनै एसपी भारती सहयोगी बनेको स्रोतको दावी छ ।
एसपी भारतीकै सेटिङमा आएको कपडालाई मधेश प्रदेशबाट खटिएको विशेष टोलीले ८० लाख बराबरको अर्को पनि सामान बरामद गरेपछि उनीमाथि थप शंका गर्दै छानविन थालिएको हो । सिरहा जिल्लाको सिरहा नगरपालिका १८ स्थित तारापट्टिबाट सोमबार साँझ करिब ८० लाख रूपैयाँ बराबरको लत्ताकपडा बरामद गरेको थियो । भारतबाट अवैध रुपले ल्याई लुकाई छिपाई राखेको भन्ने विशेष सुचनाको आधारमा सशस्त्र प्रहरी बल नेपाल नं. ७ गण सिरहा र बोर्डर आउट पोस्ट ( बीओपी ) लगडिगदियाले सो मूल्यको ७८ पोका लत्ताकपडा बरामद गरेको थियो ।
स्थानीयवासीको तीन वटा गाई गोठको टहरामा लुकाई राखेको अवस्थामा ती कपडा बरामद भएका थिए । ती कपडा कहिले र के प्रयोजनको लागि कसले राखेको भन्ने खुल्न सकेको छैन । उनकै सहयोगमा बिहारमा मदिरा प्रतिबन्ध लगाइएपछि नेपालबाट मदिरा तस्करी गरी पठाउन सहजीकरण भएको थियो । सिरहामा सबैभन्दा बढी कजरा जिझौल, वरियापट्टी र नरगी नाकाबाट मदिरा वारपार गराउन उनले घुमुवा नै परिचालन गराएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
फेवातालमा सशस्त्रकाे विपद् उद्धारसम्बन्धी कृतिम घटना अभ्यास
बैशाख १८, २०८१ मंगलबार
सीमा क्षेत्रमा सशस्त्रको पैदल गस्ती सुरु
बैशाख ९, २०८१ आइतबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
बैशाख २४, २०८१ सोमबार
आज यी ठाउँहरुमा मेघगर्जनसहित वर्षाको सम्भावना
बैशाख २५, २०८१ मंगलबार
तपाईको आजको राशीफल कस्तो छ ?
बैशाख २५, २०८१ मंगलबार
मातातीर्थ मेला आजदेखि सुरु
बैशाख २५, २०८१ मंगलबार
कम्युनिष्टहरूले अरूको अस्तित्व समाप्त पारेर कस्तो लोकतन्त्र स्थापना गर्न चाहेका होलान् ?
बैशाख २५, २०८१ मंगलबार
तामाङ र नेपाल भाषा दिवस र्याली
बैशाख २४, २०८१ सोमबार
एनआईसी एशिया बैंकद्वारा राष्ट्रिय महिला फुटबल टोलीलाई सम्मान
बैशाख २४, २०८१ सोमबार