इजरायलमा बेपत्ता भएका बैतडी रिमका विपिन सम्पर्कमा आए

 

नरेन्द्र विष्ट

२३ असाेज, काठमाडौं । प्यालेस्टानी विद्रोही समूह 'हमास'को आक्रमणबाट इजरायलमा बेपत्ता भएको भनिएका विपिन जोशी सम्पर्कमा आएका छन्। बैतडी दोगडाकेदार गाउँपालिका-१ रिमका जोशी अहिले अस्पतालमा उपचाररत रहेको इजरायलस्थित नेपाली दूतावासले जनाएको छ। 

विपिन गत भदौको अन्तिम साता ११ महिनाका लागि 'लर्न एन्ड अर्न' कार्यक्रम अन्तर्गत कृषि अनुसन्धान तथा कामका सिलसिलामा उनी इजरायल पुगेका हुन्। शनिबारदेखि बेपत्ता रहेका उनी आज सम्पर्कमा आएका बताइएको छ । 

इजरायलमा रहेका छोरासँग सम्पर्क टुटेपछि जोशीको परिवार चिन्तामा डुबेको थियो। सम्पर्क बिहिन रहेका विपिनका बुवा महानन्द जोशीले सामाजिक संजाल फेसबुकमा भाबुक स्टाटस लेख्दै भनेका थिए  छोराको सह-कुशलका लागि भागवनसँग कामना गर्दै नेपाल सरकार र इजरायलमा रहेको नेपाली दूतावासलाई छोराको खोजी कार्य गरि सम्पर्कमा ल्याउन आग्रह समेत गरेका थिए।

उक्त आक्रमणमा १० जना नेपाली विद्यार्थीको मृत्यु भएको छ। अन्य ४ जना घाइते भएका छन्। दुई जना भने सकुसल छन्। उनीहरू सबै जना सूदुरपश्चिम विश्वविद्यालयका विद्यार्थीहरू हुन् । हाल कञ्चनपुरको भीमदत्त नगरपालिका–३ मा बैतडीबाट बसाइँ सरेका जनाइएको छ ।