जहाज इजरायल पुगेपछि नेपालीमा खुशीयाली, केहीबेरमा फर्कदै

२५ असोज, काठमाडौं । नेपाल एयरलाइन्सको विमान बिहीबार दिउँसो इजरायलको तेल अभिभ पुगेपछि त्यहाँ उद्धारको पर्खाइमा रहेका नेपाली विद्यार्थीमा खुशीयाली छाएको छ । उनीहरू सो विमानमा बसिसकेका छन् । 

लर्न एन्ड अर्न कार्यक्रम अन्तर्गत कृषि विषयको ११ महिने इन्टर्नसिपका लागि उनी इजरायल गएका थिए । प्यालेस्टाइनी लडाकु समूह हमासले गएको शनिबार एक्कासि इजरायलमा आक्रमण गरेपछि त्यहाँको माहोल बिग्रिएको छ । हमासको आक्रमणमा परी विपीनसँगै इजरायल गएका उनका १० साथी मारिएका थिए ।

युद्ध चर्कंदै गएपछि गाँजाको सीमानजिक रहेका नेपालीले उद्धार गर्न नेपाल सरकारलाई अनुरोध गरेका थिए । सरकारले आज उद्धारका निम्ति नेपाल एयरलाइन्सको विमान त्यसतर्फ पठाएको हो । इजरायलको विमानस्थलमा उद्धारको पर्खाइमा रहेका नेपाली आजै स्वदेश फर्कनेछन् ।