एमाले मधेश प्रदेश कमिटी चयन चुनावबाटै

२६ असोज, काठमाडौं । नेकपा (एमाले) मधेश प्रदेशको नेतृत्वसहित कमिटी चयन चुनावबाट हुने भएको छ । पदाधिकारीमा सर्वसम्मति हुन नसकेपछि शुक्रबारबाट चुनावी प्रक्रिया सुरु भएको हो । 

प्रदेश अध्यक्षकालागि सिरहाका चन्देश्वर मण्डल र पर्साका विचारी यादवले उम्मेदवारी दिने पक्का भएको छ । राजकिशोर यादव र सर्लाहीका राज कुमार साहले पनि आफूलाई अध्यक्ष पदका उम्मेदवारको रुपमा उभ्याउने देखिएको छ । 

चुनावी प्रक्रिया चलिरहेको बेला प्रदेश सचिव सचिव कृष्ण पौडेलको निधनपछि चुनावी प्रक्रिया पूरा गर्ने काम एक दिन पछाडि धकेलिने भएको छ । यसअघि ६ वटै प्रदेशमा सर्वसम्मति हुन नसकेपछि चुनावबाटै प्रदेश कमिटीहरु चयन गरिएको थियो ।