बारा र पर्साबाट यसरी हुन्छ तस्करी (भिडियोसहित)
नेपालबहस संवाददाता
कात्तिक १, २०८० बुधबार १८:३:५५
१ कात्तिक, बीरगञ्ज । सशस्त्र प्रहरी र नेपाल प्रहरीको मिलेमतोमा बाराको बलिरामपुर र मुसरहवा तथा पर्साको इनर्वा, अलौं, सिर्सिया, भेलाही, प्रसौनीभाठ्ठा, अमरपट्टि, सिक्टा र भिस्वा नाकाबाट व्यापक मात्रामा तस्करीको लाइन सुचारु भएको छ ।
प्रमुख बीरगञ्ज भन्सार नाकाबाट सानोतिनो घरायसी सामानलाई रोकेर तस्करीमा कडाइ गरिएको ढोल पिट्ने सशस्त्र र नेपाल प्रहरीले तस्करहरूसँग मोटो रकम असुलेर लाइन खोलेको हो । जबकी रक्सौल बजारबाट घरायसी सामान किनेर ल्याउने सर्वसाधारणहरूले एक सय रूपैयाँ भन्दा बढीको सामान ल्याउँदा बीरगञ्ज भन्सार नाकामा सशस्त्र प्रहरीको तनाव खेप्नु पर्छ ।
नेपाल प्रहरीका सीमा प्रहरी चौकी तथा सशस्त्र प्रहरीको बीओपी, बेसक्याम्प लगायतका ईन्चार्जसँग लाइन मिलाएर तस्करहरूले बाराको मुसरहवा र बलिरामपुर हुँदै पर्साको भूटनदेवी मन्दिरबाट रातको समयमा लाखौंको भन्सार राजश्व छली नेपाल भित्र्याउने गरेका छन् । चर्चित तस्करहरू मुखिया र मुकेश गुप्ताले बाराको मुसरहवा र बलिरामपुरबाट दैनिक काजु, कपडा र हार्डवेयरको काम गरिरहेको बताइन्छ ।
समाचारका अनुसार दैनिक १५० देखि २०० पोका कपडा तथा काजु र हार्डवेयरका सामान यी नाकाबाट नेपाल भित्र्याएर पर्सामा जम्मा गर्ने गरिएको छ । त्यस्तै बीरगञ्ज भन्सार सेटिङमा पनि दर्जनौ तस्करहरूले काम गरिरहेको बताइएको छ । गत असार २८ गते मात्र भिस्वाको लक्ष्मी पाटी प्यालेस नजिकैबाट पिकअप (अटो रिक्सा) हुँदै आइरहेको भन्सार छलीको माल नेपाल प्रहरीको टोलीले पक्राउ गरेको थियो । तर प्रहरीले तस्करसँगको साँठगाँठमा मालसामान भन्सार बुझाएर पिकअप भने छोडेको छ । यसवापत ३ लाखको चलखेल भएको दावी समाचार स्रोतको छ । सो सामान मुखिया र मुकेश गुप्ताको रहेको दावी समाचार स्रोतको छ । त्यस्तै सुरेन्द्र कलवारले बीरगञ्ज भन्सार पछाडिको बाटो प्रयोग गरी साइकलमा कपडाको कारोवार गर्ने गरेका छन् । हेर्नुहाेस् भिडियाेः
यसै गरी बीरगञ्ज भन्सारको पछाडि इनर्वा गाउँबाट नौसाद भन्ने तस्करले अहिले खसी बाख्रा व्यापक मात्रामा नेपाल भित्र्याइरहेका छन् । बिना क्वारेन्टाइन उनले हरियाणका खसी बाख्रा भारतको सीमावर्ती नाका अहिर्वा टोला हुँदै नेपाल भित्र्याउने गरेका छन् । उनले सिर्सिया बीओपीसँगको मिलेमतोमा सो नाकाबाट पनि खसी बाख्रा नेपाल भित्र्याउने गरेका छन् ।
बिगतमा परासीबाट खसीको कारोवार गर्ने नौसादले त्यहाँ स्ट्रीङ अपरेशनमा परेपछि इनर्वा आएर कारोवार थालेका हुन् । सो नाकाबाट रातदिन लगाएर जम्मा पारिएको खसीबाख्रा प्रति ट्रक तीन हजारको संख्यामा लोड गरी काठमाडौं पठाउने गरेका छन् ।
बीरगञ्जमा यसरी हुन्छ तस्करी
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमधेश प्रदेशमा १० महिनामा आगलागीबाट १९ जनाको मृत्यु
बैशाख २७, २०८१ बिहिबार
नारायणीमा ३० करोडको एमआरआई मेसिन ६ महिनामै विग्रियो
बैशाख २७, २०८१ बिहिबार
हाटबजारको खुला शौचले विद्यार्थीमा मनोवैज्ञानिक असर
बैशाख २७, २०८१ बिहिबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
गृृहमन्त्री रविको बचाउ प्रकरणले महान्यायाधिक्ता विवादमा
नेपालबहस संवाददाता
बैशाख २६, २०८१ बुधबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
पोखरा महानगरको छानबिनमा सूर्यदर्शन सहकारीबाट गृहमन्त्री लामिछानेले एक करोड लिएको पुष्टि
बैशाख २८, २०८१ शुक्रबार
संसदीय छानबिन समिति बनाइयो भने गृहमन्त्रीले राजीनामा दिनुपर्छ, सरकार ढल्न सक्छः ओली
बैशाख २८, २०८१ शुक्रबार
नक्कली लाइसेन्समा यातायात व्यवस्था विभागका पूर्व महानिर्देशकहरू सीआईबीको ‘राडर’मा
बैशाख २८, २०८१ शुक्रबार
संसद्को संयुक्त बैठक जेठ १ मा : राष्ट्रपति पौडेलले सम्बोधन गर्ने
बैशाख २८, २०८१ शुक्रबार
त्रिदेशीय रणनीतिक सडक निर्माण सुस्त गतिमा
बैशाख २८, २०८१ शुक्रबार
बुलबुले तालमा मोटरबोट सञ्चालन
बैशाख २८, २०८१ शुक्रबार
नुवाकोटको रमणीय पर्यटकीय क्षेत्र घ्याङस्वारा
बैशाख २८, २०८१ शुक्रबार
ट्याक्टर दुर्घटनामा एकको मृत्यु, एकजना घाइते
बैशाख २८, २०८१ शुक्रबार
वर्षे अधिवेशनको पहिलो दिन: खोज्दा-खोज्दै नभेटिएको ‘सहमति’
बैशाख २८, २०८१ शुक्रबार