प्रधिकरणद्वारा तारा एयरका मन्थली विमानस्थल प्रमुख थापा निलम्बित

१७ कात्तिक, काठमाडौं । नागरिक उड्डयन प्राधिकरणले रामेछापको तारा एयरका मन्थली विमानस्थलका प्रमुख अशोक थापालाई निलम्बन गरेको छ । शुक्रबार विमानस्थलभित्रै तारा एयरका दुई पाइलटबीच भएको विवाद छानविनका लागि विमानस्थल प्रमुख थापालाई निलम्बन गरिएको प्रधिकरणले जनाएको छ ।

विहान तारा एयरका पाइलट सन्तोष शाह र सञ्जिव श्रेष्ठबीच सामान्य विवादमा विमानस्थलभित्रै कुटाकुट भएको थियो । क्याप्टेन शाह सोलुको लुक्लाबाट आज विहान ८ बजे जहाज लिएर मन्थली आएका थिए ।

त्यही जहाज अर्का क्याप्टेन श्रेष्ठले लुक्ला लानुपर्ने थियो । विमानस्थलमा उनीहरुबीच सामान्य विवाद भयो र हातहालाहालको अवस्था सिर्जना भयो । प्राधिकरणले क्याप्टेनद्वय श्रेष्ठ र शाहको लाईसेन्स पनि सस्पेनमा राखेर कारवाही अगाडी बढाएको बताएको छ । यतिबेला तारा एयरको जहाज लुक्लामै ग्राउण्डेड छ ।