बाघको आक्रमणमा परी एक जना महिलाको मृत्यु

१७ कात्तिक, बर्दिया । बर्दियामा बाघको आक्रमणमा परी एक जना महिलाको मृत्यु भएको छ । जिल्लाको मधुवन नगरपालिका ५ शक्तिपुरमा रहेको चिरोटे सामुदायिक वनमा बाख्रा चराउन गएका बेला बाघले आक्रमण गर्दा स्थानीय २८ वर्षिय सीता डाँगीको  मृत्यु भएको डिभिजन वन कार्यालय बर्दियाका सहायक बन अधिकृत सन्तोष चौधरीले बताए ।

शुक्रबार दिउँसो घास काटन गएको बेला बाघले आक्रमण गर्दा घटनास्थलमै मृत्यु भएको बताइएको छ । सो क्षेत्रमा चालु आर्थिक वर्षमा मात्रै बाघको आक्रमणमा परी ३ जनाको मृत्यु भएको बताइएको छ ।