तेस्रो पटक सरेर पुस १६ मा पुग्यो कांग्रेसको महासमिति बैठक

२१ कात्तिक, काठमाडौं । नेपाली कांग्रेसको महासमिति बैठक पुनः सरेको छ । मंसिर १३ देखी गर्ने भनिएको महासमिति बैठक सारेर मंसिर २९ देखि पुस २ सम्म गर्ने भनिएको थियो । तर, फृरी विविध कारण देखाउँदै उक्त बैठक आगामी पुस १६ देखि १८ सम्ममा सम्पन्न गर्ने कांग्रेसले जनाएको छ ।

मंगलबार सानेपास्थित पार्टी कार्यालयमा आयोजित पत्रकार सम्मेलनमा प्रचार विभाग प्रमुख मीन विश्वकर्माले महासमिति बैठक पुस १६ गतेका लागि सारिएको जानकारी दिए । यो बीचमा भूकम्प, चाडपर्व लगायतले डिस्टर्व हुने भयो, त्यही भएर कांग्रेसले राष्ट्रिय मेलमिलाप दिवसका दिन महासमिति बैठक राख्ने निर्णय गरेको हो’, विश्वकर्माले भने । 

जाजरकोट लगायतका जिल्लामा गएको भुकम्पका कारण देखाउँदै कांग्रेसले महासमिति बैठक पुस १६ गतेका लागि सारेको हो । महासमिति बैठकका लागि हालसम्म ५३ जिल्लाको अधिवेशन सकिएको कांग्रेस पार्टी कार्यालयका मुख्यसचिव कृष्णप्रसाद पौडेलले पत्रकार सम्मेलनमा जानकार दिएका छन् । 

महासमिति सदस्यहरुको चयन प्रक्रिया कात्तिक २४ गतेसम्म सम्पन्न गर्न भनिए पनि यसलाई बढाएर मंसिर १० गतेसम्म पुर्याउने तयार भएको छ । अहिले भूकम्पका कारण एउटा जिल्लाको नेता अर्को जिल्लामा पुगेकाले मंसिर १० सम्मको समय दिएर महाधिवेशन प्रतिनिधि चयन गरिसक्ने कांग्रेसले जनाएको छ ।