जंगलमा आगो लगाउने व्यक्ति पक्राउ

२३ वैशाख, कास्की । कास्की प्रहरीले जंगलमा आगो लगाउने व्यक्तिलाई पक्राउ गरेको छ । जिल्ला कास्की अन्नपूर्ण गाँउपालिका वडा नं- ३ मराम्चे स्थित मराम्चे सामुदायिक जंगलमा आगोलागी भएको भन्ने सूचना प्राप्त हुनासाथ वडा प्रहरी कार्यालय बगर कास्कीबाट खटिएको प्रहरी टोलिले गोप्य सूचनाका आधारमा पक्राउ गरेको हो । 

मराम्चे सामुदायिक जंगलमा लागेको आगो नियन्त्रण गर्न नसक्ने अवस्थामा रहेको र उक्त जंगलमा आगो लगाउने व्यक्तिलाई खोजतलास गर्दै जाँदा जिल्ला कास्की अन्नपूर्ण गा.पा. वडा नं-३ मराम्चे बस्ने वर्ष ३९ का अगन्दर पौडेललाइ पक्राउ गरेको कास्की प्रहरीले जनाएको छ ।

पौडेलले मराम्चे सामुदायिक जंगल नजिकै रहेको आफ्नै खरबारी पाखोमा सुकेका घसेटामा आगो लगाएको र उक्त आगो अनियन्त्रित भई सामुदायिक जंगलमा आगलागी भएको  प्रारम्भिक सोधपुछमा खुलेको छ । पक्राउ परेका पौडेललाई  आवश्यक अनुसन्धान तथा कारवाहीको लागि डिभिजन वन कार्यालय बगरमा कास्कीमा प्रहरीले जनाएको छ ।