सुनको मूल्य एक हजारले बढ्यो, कतिमा हुँदै छ कारोबार ?

२४ कात्तिक, काठमाडौं । नेपाली बजारमा शुक्रबार सुनचाँदीको मूल्य बढेको छ । बिहीबारको तुलनामा शुक्रबार प्रतितोला सुनमा १ हजार रूपैयाँ र चाँदीमा २० रूपैयाँले बढेको नेपाल सुनचाँदी व्यवसायी महासंघले जनाएको छ ।

महासंघका अनुसार शुक्रबार १ हजार  रूपैयाँले बढेर छापावाल सुन तोलामा १ लाख १४ हजार ७०० रूपैयाँले कारोबार भइरहेको छ । 

बिहीबार छापावाला सुन तोलामा १ लाख १३ हजार ७०० रूपैयाँमा कारोबार भएको थियो । शुक्रबार तेजावी सुन तोलामा एक लाख १४ हजार १५० रूपैयाँमा कारोबार भइरहेको छ । चाँदी तोलामा एक १ हजार ४०० रूपैयाँमा कारोबार भइरहेको महासंघले जनाएको छ ।