रिलायबल नेपाल लाइफ इन्स्योरेन्सले दियो भुकम्पपिडितलाई न्यायो कमल

२४ कात्तिक, काठमाडौं । रिलायबल नेपाल लाइफ इन्स्योरेन्सले दियो भुकम्पपिडितलाई ५ लाख आर्थिक सहयोग गरेको छ ।  कात्तिक १७ गते जाजरकोट केन्द्रबिन्दु भई गएको ६.४ रेक्टर स्केलको भूकम्प र त्यसपछि आइरहेको लगातारको पराकम्पले जाजरकोट, रुकुम पश्चिम, सल्यान लगायतका क्षेत्रहरूमा हुन गएको मानवीय र भौतिक क्षतिमा नलगाड नगरपालिका, जाजरकोट भूकम्पपीडितहरूलाई ५ लाख बराबरको न्यायो कमल सहयोग गरेको हो । 

रिलायबल नेपाल लाइफ इन्स्योरेन्सले एक विज्ञप्ति जारी गर्दै भूकम्पमा परि ज्यान गुमाउनेहरू प्रति हार्दिक श्रद्धाञ्जली तथा घाइते भएकाहरूलाई शिघ्र स्वास्थ्य लाभको कामना गरेको छ । 

प्राकृतिक विपत्तिले निम्त्याएको कठिन घडीमा हामी सम्पूर्ण पिडित र शोक सन्तप्त परिवारजनमा धैर्य धारण गर्ने हौसला मिलोस् भनेर कामना गर्दछौं  जारी विज्ञप्‍तिमा भनिएको छ ।   

रिलायबल नेपाल लाइफ इन्स्योरेन्सले जाजरकोट र रुकुम पश्चिम क्षेत्रमा रहेका हाम्रा सम्पूर्ण अभिकर्ता र अन्य कर्मचारीहरूलाई उद्धार कार्यमा आ आफ्नो तरिकाले सक्दो साथ र सहयोग गरिदिनु विज्ञप्ति मार्फत अनुरोध गरेको छ ।