बरुण हत्या काण्ड : ८ जना पक्राउ, ३ जना फरार

 दीपक शर्मा 

१ मंसिर, बर्दिया । बरुण घिमिरेको हत्याको आरोपमा प्रहरीले ८ जनालाई पक्राउ गरी सार्वजनिक गरेको छ । कात्तिक २६ गते राति २३ वर्षका वरुण  घिमिरेलाई पुरानो रिसईबीका कारण हत्या गरेको अभियोगमा पक्राउ गरिएको प्रहरीले जनाएको छ ।

पक्राउ पर्नेहरुमा गुलरिया नगरपालिका ६ का २३ वर्षिय सुलभ थापा, वार्ड न ५ का १९ वर्षिय दिपेश बुढामगर, वार्ड न ६ का २४ वर्षिय धिरज ठाकुर, वार्ड न ८ का १९ वर्षिय सन्दिप थारु, सोहि वडाका १९ वर्षिय दिनानाथ चोधरी , वार्ड न ६ कृष्णसार टोलका १८ वर्षिय रक्षक भनिने रोशन शाह , वार्ड न ४ गणेशचोकका १८ वर्षिय निश्चल थापा क्षेत्री र बर्दिया ठाकुरबाबा नगरपालिका ३ विदुरपुरका २३ वर्षिय तर्क भण्डारीलाई पक्राउ गरिएको जिल्ला प्रहरी कार्यालय बर्दियाका सूचना अधिकारी तुल्सिराम अर्यालले जानकारी दिए ।

उनका अनुसार घटनामा संलग्न गुलरिया नगरपालिका ६ का १९ वर्षिय सुरेश भनिने सुयस थापा , गुलरिया ५ का २० वर्षिय आलोक आश्रित, र गुलरिया ४ का १९ वर्षिय सुमन सुनार फरार रहेका छन उनिहरुको खोजी कार्य जारी रहेको छ । प्रहरीका अनुसार गएको कात्तिक २७ गते राति १२ बजेर ३० मिनेटको समयमा गुलरिया नगरपालिका ६ निवासी   २० वर्षिय बरुण घिमिरेलाई गुलरिया ५ सुलभ थापा लगायतकाले विभिन्न हातहतियार प्रयोग गरी मरणासन्न हुने गरी घाइते बनाई भागेका थिए ।

गम्भीर घाइते भएका बरुणको उपचारका लागी नेपालगञ्ज लैजादै गर्दा बाटोमै मृत्यु भएको थियो । घटना लगत्तै फरार भएका मध्ये प्रहरीले ८ जनालाई पक्राउ गरेको हो । घटनामा परी अन्य २ जना गुलरिया ६ का २१ वर्षीय मोहित पुन र राजापुर नगरपालिका ६ का २० वर्षिय रञ्जन कुँवर घाइते भएका थिए । उनिहरुको अवस्था सामान्य रहेको छ ।