ट्रलिबस सम्झिदा...... [ फोटो फिचर ]

९ मंसिर, काठमाडौं । कैलालीबाट पासपोर्ट बनाउन आएका सुर्य बहादुर थापा त्रिपुरेश्वरको बाटो हिँड्दा सडकको छेउहरुमा ठुलो ठुलो अनौठो लाग्ने पोलहरु देख्दा के-को हो भन्ने लागेको थियो । उनले त्यहि कुरा जान्न एउटा पसलमा सोध्दा ट्र्लिबस चल्ने पोल हो भनेर पसलवालाले भन्दा अचम्मित भए र अझै पनि चल्छ र भन्दै सोधे , पसलवालाको जवाफ 'इतिहास भयो ट्रलिबस कुनै बेला थियो भाइ' भनेर हाँसेर उडाइदिए । हो पनि थापा जस्तै त्रिपुरेश्वरको बाटो हिड्नेलाई ति ठुला ठुला प्रयोगबिहिन पोलहरु देख्दा के-को हो भन्ने नै लाग्ने गर्दछ ।

काठमाडौं र भक्तपुर जिल्लालाई जोड्ने राजधानीको फराकिलो सडकमा त्रिपुरेश्वर–सूर्यविनायक कुनै समय ट्रलीबस गुड्थ्यो । चीन सरकारको सहयोगमा २०३२ सालमा त्रिपुरेश्वर–माइतीघर–सूर्यविनायकसम्मको १४ किलोमिटरमा विद्युतीय ट्रलीबस निर्माण गरिएको थियो ।

ट्रलीबस निर्माण भएको १२ वर्षसम्म निर्वाध रूपमा सञ्चालन भए पनि २०४४ सालसम्म बन्द हुने अवस्थामा आइसकेको थियो । ट्रलिबसमा कोचाकोच आवतजावत गरेको अहिले तस्विरमा मात्र सिमित छ । बिचमा बन्द भएको ट्रलिबस पछि सन २००१ सम्म आशिक रुपमा चलेको थियो तर सन २००८ पछि घाटा भएको कारणले पुर्णरुपमा बन्द भयो । म नै भविष्य हुँ, मलाई बचाउनुहोस्’ ।

मीनभवनस्थित यातायात व्यवस्था विभाग परिसरको कवाड हलमा थन्किएका ३२ ओटा ट्रली बसमा कोरिएको यो वाक्यांशले विभागलाई नै गिज्याइरहेको छ । बसका सबै पार्टपुर्जालाई खिया लागिसकेको अवस्था छ । विद्युतीय ट्रलीबस साच्चै नै अब इतिहास बनेको छ ।३३ वर्षसम्म काठमाडौं उपत्यकाको सार्वजनिक यातायातमा योगदान दिएको ट्रली बस सेवा अहिले कुनै सरकारी निकायको मातहतमा छैन । हेरौ नेपाल फोटो लाइब्रेरी बाट कैद गरिएका अहिलेको अवस्थामा रहेका ट्रलीबस र सम्बन्धित भग्नावशेषहरुको तस्बिरहरु