नक्कली भुटानी शरणार्थी प्रकरण : पुर्वमन्त्री खाँड थुनामुक्त हुने कि नहुने आज फैसला हुँदै

१५ मंसिर, काठमाडौं । नक्कली शरणार्थी प्रकरणमा आज फैसला आउने सम्भावना रहेको छ ।  हाल सो प्रकरणमा थुनामा रहेका पूर्व गृहमन्त्री बालकृष्ण खाँणलाई थुनामुक्त गराउनु पर्ने मागसहित गरिएको जवाफी बहस सकिएकाले आज फैसला आउने सम्भावना रहेको हो । 

अदालतमा जारी बहसमा खाँडलगायत थुनामा रहेकाहरूको पक्षबाट वकिलहरूले उनीहरुलाई थुनामुक्त गरेर मुद्दा चलाउन माग गरेका छन ।

जससँगै नेपाली नागरिकलाई नक्कली भुटानी शरणार्थी बनाएर २८ करोडभन्दा बढी ठगी गरेको प्रकरणमा हाल थुनामा रहेका नेपाली कांग्रेसका नेतासमेत रहेका पूर्व गृहमन्त्री खाँणलगायतको मुद्दामा आज फैसला आउने सम्भावना देखिएको हो ।  आज आउने फैसलाले खाँड लगायत थुनामा रहने कि बाहिर बसेर मुद्दा चलाउने भन्नेमा निर्क्यौल हुनेछ । 

बिहीबार न्यायाधीश प्रकाश खरेल र जनक पाण्डेको इजलासले सुनुवाइ सकेसँगै आज 'शुक्रवार'आदेश हुने बताइएको छ । नक्कली भुटानी शरणार्थी प्रकरणमा प्रहरीले २० जनालाई पक्राउ गरेको थियो। जसमध्ये १७ जनालाई पुर्पक्षका लागि थुनामा र तीन जनालाई धरौटीमा छाड्न जिल्ला अदालत काठमाडौंले आदेश दिएको थियो।

थुनामा रहेका बालकृष्ण खाँण र टोपबहादुर रायमाझीसहित  १५ जना जिल्ला अदालतको निर्णयविरूद्ध उच्च अदालत पुगेका थिए। भुटानी शरणार्थी नेता टेकनाथ रिजाल पनि उच्च अदालत गएका छैन्।