लागुऔषधसहित बर्दियामा ४ जना पक्राउ

दीपक शर्मा 

२० मंसिर, काठमाडौं । लागुऔषधसहित बर्दियामा चार जना पक्राउ परेका छन । जिल्लाको बढैयाताल गाँउपालिका ७ बाट १ जना र सोहि पालिकाको २ फुटाहा बाट ३ जना पक्राउ परेको जिल्ला प्रहरी कार्यालय बर्दियाले जानकारी दिएको छ । 

प्रहरीका अनुसार पक्राउ पर्नेमा भे ३ प २६९६ नम्वरको मोटरसाइकलमा सवार बाके कोहलपुर नगरपालिका १५ का २४ वर्षिय नीरजकुमार थारुको साथबाट लागुऔषध २२ ग्राम ५ सय ६० मिलिग्राम सहित पक्राउ गरिएको हो यसैगरी बढैयाताल गाँउपालिका १ ठुलो डाँफे निवासी २२ वर्षिय रवि रसाइलीले चलाएको प्रदेश २-०३-प ००९४ नम्बरको स्कुटर बाट १ ग्राम ५ सय ३० मिलिग्राम पदार्थ सहित तिन जनालाई पक्राउ गरिएको हो ।

रसाइलीको मोटरसाइकलमा रहेका अन्य २ जना सुर्खेत विरेन्द्रनगर नगरपालिका १० का ५० वर्षिय रेशम बहादुर कार्की र बढैयाताल गाँउपालिका १ का २४ वर्षिय कमल खडका रहेका छन । उनीहरुहरुले सीमापारी भारतिय बजारबाट सो लागु पदार्थ किनेर ल्याएको बताइएको छ ।