बर्दिया कारागारको अवस्था जीर्ण, क्षमता भन्दा चौगुना बढि कैदी बन्दी

दीपक शर्मा 

२२ मंसिर, बर्दिया । बर्दिया कारागारमा क्षमता भन्दा चौगुना बढि थुनुवा तथा कैदी बन्दी रहेका छन ।  जीर्ण अवस्थामा रहेको कारागारको भवनमा १ सय ५८ जनाको क्षमता भएपनि हाल कारागारमा ४ सय ५२ जना थुनुवा तथा कैदी बन्दी रहेका छन ।

जस मध्ये ३ सय ९९ जना पुरुष र ४९ जना महिला रहेका छन । १ सय ३३ जना पुरुष कैदी बन्दी रहने क्षमता रहेको कारागारमा ३ सय ९९ जना पुरुष छन भने २५  जना महिला क्षमता भएको कारागारमा हाल ४९ जना महिला रहेका छन । क्षमता भन्दा वढि कैदी बन्दी र थुनुवा रहदा कैदी बन्दिको दैनिकी निकै कष्टकर भएको छ ।

कारागारमा ४ जना ५ वर्ष मुनिका बालबालिका समेत रहेको बर्दिया कारागारका प्रमुख सन्तोष विकले बताए । ति बालबालिका आफनै आमा सग रहेको बताइन्छ घरमा हेर्ने मानिस कोही नभएको र बच्चाहरू सानै भएका कारण आमासगै रहेको वि.क ले बताए ।

कैद सजाएका काटिरहेका मध्ये १० जना भारतिय नागरिक रहेका छन जस मध्ये ६ जना थुनुवा र ४ जनाले कैद भुत्तानका लागी सजाए काटिरहेका छन । कारागारमा रहेका मध्ये अधिकास लागु औषध, जवरजस्ती करणी ,हातहतियार खरखजाना ,डाँका चोरी , बहुविवाह, तथा व्यत्तिः हत्याको सजाए काटिरहेका छन भने कतिको मुद्धाको टुगो लाग्न बाँकि रहेको छ ।

निकै पुरानो कारागारको अवस्था जिर्ण भएका कारण कैदी बन्दीहरु कोच्चिएर बस्न बाध्य भएका छन ।  १ सय ५८ जनाको क्षमताको कारागारमा हाल ४ सय भन्दा बढि कैदी बन्दी रहेका कारण कारागारको सुरक्षामा समेत प्रश्न चिन्ह खडा भएको छ ।