गाजामा मानवीय सहायताको पक्षमा डब्ल्यूएचओका दर्जन बढी सदस्य राष्ट्रहरू

२३ मंसिर, न्युर्योक । डब्ल्यूएचओ सदस्य राष्ट्रहरूले इजरायललाई गाजामा सहायताकर्मीहरूको सुरक्षा गर्न आह्वान गरेका छन  ।

विश्व स्वास्थ्य संगठनका एक दर्जनभन्दा बढी सदस्यहरूले इजरायललाई गाजामा मानवीय कामदारहरूको सुरक्षाका लागि अन्तर्राष्ट्रिय कानून अन्तर्गत आफ्नो दायित्व पूरा गर्न आह्वान गरेका हुन् । 

शुक्रबार पेस गरिएको मस्यौदा प्रस्तावमा पूर्वी जेरुसेलमलगायत विशेष गरी गाजा स्ट्रिपमा सैन्य कारबाहीका लागि कब्जा गरिएको प्यालेस्टाइन क्षेत्रको विनाशकारी मानवीय अवस्थाको बारेमा गम्भीर चिन्ता व्यक्त गरिएको छ।

आइतबार डब्ल्यूएचओको कार्यकारी बोर्डको विशेष बैठकमा छलफल हुने उक्त प्रस्तावमा चीन, इन्डोनेसिया, मलेसिया, अल्जेरिया, बोलिभिया, इजिप्ट, इराक, जोर्डन, लेबनान, मोरक्को, पाकिस्तान, साउदी अरब, कतार, ट्युनिसियाले प्रस्ताव गरेका हुन, जसमा टर्की, यमन र संयुक्त अरब इमिरेट्स पनि समावेश छन् ।