शेयरबजार ३३.६४ अंकले बढ्यो, सवा ४ अर्बको कारोबार

२६ मंसिर, काठमाडौं । शेयरबजार दोहोरो अंकले वृद्धि भएको छ । चालु साताको पहिलो दिन आइतबार उकालो लागेको बजार सोमबार घटे पनि मंगलबार पुनः दोहोरो अंकले बढेको हो । 

मंगलबार ३३.६४ अंकले बढेको शेयरबजार १९८२.२२ विन्दुमा आएर बन्द भएको छ । यसदिन २९६ कम्पनीको ९४ हजार २८५ पटक भएको कारोबारमा १ करोड २३ लाख १९ हजार ९८७ कित्ता शेयर किनबेच हुँदा ४ अर्ब २५ करोड १७ लाख ८२ हजार ७५५ रुपैयाँको कारोबार भएको छ । यसदिन २०८ कम्पनीको शेयर मूल्य बढ्दा २९ कम्पनीको घटेको छ भने ५ वटाको शेयर मूल्य स्थिर रहेको छ । 

यसअघि आइतबार नेप्से परिसूचक १११.२० अंक बढेर १९६३.९८ विन्दुमा पुगेको थियो । यसदिन २४४ कम्पनीका ७ हजार १४ पटक भएको कारोबारमा १३ लाख ६७ हजार कित्ता शेयर किनबेच हुँदा ४८ करोड २४ लाख ८२ हजार रूपैयाँको कारोबार भएको थियो । 

आइतबार १११.२० अंकले बढेको शेयर बजार सोमबार १५.४० अंकले ओरालो लागेको १९४८.५७ विन्दुमा पुगेर बन्द भएको थियो । यसदिन ३०३ कम्पनीका १ लाख ९ हजार ९१८ पटक भएको कारोबारमा १ करोड ४६ लाख ९८ हजार ५१७ कित्ता सेयर किनबेच हुँदा ४ अर्ब ८४ करोड २७ लाख ७४ हजार ३८६ रूपैयाँको कारोबार भएको थियो ।