हात्ती आतंक नियन्त्रण गर्न जिल्ला प्रशासनलाई किसान महासंघ मोरङको आग्रह
नेपालबहस संवाददाता
मंसिर २९, २०८० शुक्रबार २०:१४:१७
यज्ञप्रसाद भट्टराई
२९ मंसिर, झापा । मोरङ जिल्लामा लगातार हात्ती आतंक बढिरहेको छ । किसानले लगाएको बाली लगातार विनाश गरिरहँदा मात्रै हैन मान्छेसमेत मारिरहँदा पनि स्थानीय र प्रदेश सरकार मौन रहनु आश्चर्यजनक रहेको भन्दै नेपाल किसान महासंघ मोरङ जिल्ला कार्यसमितिले आपत्ति जनाएको छ ।
किसानले लगाएको मकै केरा तोरी धान लगायतका बालीमा क्षति पुर्याउनुका साथै मानिसका घरसमेत भत्काउन थालेपछि मोरङका अधिकांश भेगमा बस्ने नागरिकहरू थप त्रसित भएका छन् । किसानका समस्यामा सहयोगी बन्दै आइरहेको नेपाल किसान महासंघ मोरङ जिल्ला कार्यसमितिले केही दिनअघि बेलबारीको हात्ती आतंक र किसानले बेहोर्नुपरेको दुःख क्षति भएको बालीको विवरण सहित कोशी प्रदेश सरकारलाई ज्ञापनपत्र बुझाएको थियो ।
तत्काल किसानका समस्यामा गम्भीर बन्न सचेत गराउँदै महासंघले मुख्यमन्त्री केदार कार्कीलाई यस विषयमा तत्काल कदम चाल्न अनुरोधसमेत गरेको जनाएको छ । त्यसपछि पनि निरन्तर हात्ती आतंक नरोकिएपछि बिहीबार नेपाल किसान महासंघले मोरङ जिल्लाका प्रमुख जिल्ला अधिकारीलाई समेत ध्यानाकर्षण गराएको महासङ् मोरङका अध्यक्ष वसन्त हुमागाईले नेपाल बहसलाई बताएका छन् ।
महासंघले प्रमुख जिल्ला अधिकारीलाई बुझाएको ध्यानाकर्षणमा मोरङ जिल्लाको कानेपोखरी गाउँपालिका, पथरी शनिश्चरे नगरपालिका, बेलबारी नगरपालिका र सुन्दर हरैचा नगरपालिका लगायतका क्षेत्रमा जङ्गली हात्तीको आक्रमणबाट मानवीय क्षति सहित किसानका बालीनाली नष्ट हुँदा किसानहरु अप्ठ्यारोमा परेको, हात्तीका बथान रैथाने झैँ गरी लामो समयसम्म त्यही बसोबास गर्ने गरेको कारण दिउँसो समेत मानिसहरू आवतजावतमा कठिनाइ भएको प्रति प्रमुख जिल्ला अधिकारीलाई ध्यानाकर्षण गराइएको महासंघ मोरंगका अध्यक्ष हुमागाँईले बताएका छन् ।
महासंघले प्रमुख जिल्ला अधिकारीलाई ध्यानाकर्षण गराउँदै भनेको छ किसानहरू आफ्नो बालीनाली जोगाउनका निम्ति रातभरि जागराम बस्नुपर्ने कष्टदायी जीवन बाँच्न बाध्य भएकाले तत्काल भारतबाट नेपाल प्रवेश गरेका हात्तीलाई तदारुपताका साथ उनीहरुकै पुरानो बासस्थान पट्टि फर्काउन प्रहरी प्रशासनलाई निर्देशन गरी हात्तीबाट विनाश भएका किसानको क्षतिपूर्तिको व्यवस्था मिलाइदिन अनुरोध समेत गरेको महासंघ मोरङले जनाएको छ ।
नेपाल किसान महासङ्घ मोरङ जिल्ला कार्यसमितिको सक्रियता र सहयोगबाट आम मोरङ जिल्लाका किसानहरू उत्साहित र खुसी भएका छन् । विगतमा पटकपटक राजनीतिक दल र तिनका नेताका घर चाहार्दा समेत कुनै सुनवाई नभएको हात्ती आतंकको विषय मोरङमा बसन्त हुमागाईंको नेतृत्वमा आएको महासङ्घको नेतृत्वले लगातार उक्त बिषय उठान भएकोमा मोरङ जिल्लाका तमाम किसानहरु खुसी देखिएका छन् ।
नेपाल किसान महासङ्घ मोरङ जिल्ला अध्यक्ष वसन्त हुमागाईंले किसानका समस्यामा प्रदेश सरकार र स्थानीय प्रशासन गम्भीर नभए र पुन हात्ती आतंकले किसान त्रसित हुनुपरे महासङ्घ जस्तोसुकै दबाबमूलक कार्यक्रम गर्न बाध्य हुने चेतावनी समेत दिएको नेपाल बहसडटकमलाई बताएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकोरियाले नेपाललाई दिएका गाईका बाछी स्थानीयलाई उपहार
असोज ६, २०८१ आइतबार
चार युवा मिलेर सुरु गरे व्यावसायिक बेसारखेती
असोज ६, २०८१ आइतबार
मध्यविन्दुमा फोहोरबाट जैविक मल उत्पादन सुरु
असोज ४, २०८१ शुक्रबार
नेकपा एसमा विवादः रामकुमारीसहित असन्तुष्ट नेताहरु एमालेसँग नजिकिदै
नेपालबहस संवाददाता
असोज ६, २०८१ आइतबार
घरबाटै पक्राउ परे मेडिकल व्यवसायी दुर्गा प्रसाईं
नेपालबहस संवाददाता
असोज ६, २०८१ आइतबार
रवि आजै पक्राउ नपर्ने, चीन गएका नेताहरु फर्किदै, प्रहरीले पुरक अभियोजन गर्ने
असोज ७, २०८१ सोमबार
सय रुपैयाँमा मिनिरल वाटर बेच्ने जिम्बु थकालीलाई ३ लाख जरिवाना
असोज ७, २०८१ सोमबार
विश्वकप लिग-२: नेपालले आज ओमानसँग खेल्दै
असोज ८, २०८१ मंगलबार
मौसममा फेरि फेरबदलः कृषि क्षेत्रमा असर पर्नसक्ने
असोज ८, २०८१ मंगलबार
कस्तो छ तपाईको आजको राशीफल ?
असोज ८, २०८१ मंगलबार
जोखिममा काम गर्ने पत्रकारको राज्यले संरक्षण गर्छ : मन्त्री गुरुङ
असोज ७, २०८१ सोमबार
अपडेट : लेबनानमा इजरायली आक्रमणमा २१ बालबालिकासहित २७४ जनाको मृत्यु
असोज ७, २०८१ सोमबार
संस्कृतिमन्त्री पाण्डे र भारतीय राजदूत श्रीवास्तवद्वारा कला प्रदर्शनी अवलोकन
असोज ७, २०८१ सोमबार