तस्विरमा हेर्नुस, संघीय राजधानीको अस्तव्यस्त सडक ।

३० मंसिर, काठमाडाैं । सडकलाई विकासलाई पनि पूर्वाधारको रुपमा लिइन्छ । सडक सुविधाले जोडिएको गाउँघरसम्म सजिलै विकासका अन्य सेवासुविधाहरु पनि जोडिने गर्दछ । तर हाम्रो देशको संघीय राजधानी काठमाडौं उपत्यकाको सडक हेर्ने हो भने राजधानी शहर हो भन्दा सायद कसैले विश्वास नगर्न पनि सक्छ ।

सडकमा धुलो, सवारीसाधनले निकाल्ने धुवाँ, ढल र खानेपानीका लागि जथाभाबी खनेर परेको खाडल, बिजुलीको भूमिगत तार व्यवस्थापनको काम जस्ता क्रियाकलापले सडक अस्तव्यस्त बनेको छ । 

यतिमात्र नभई सडकमा कोरिएका जेव्रा क्रस, सडक लेन मेटिएको छ भने  कहि कहि त जेव्रा क्रस समेत नहुँदा पैदल यात्रुहरूले सकस भोग्नु परेको छ, भूमिगत बिजुलीका हेडबक्सहरु फूटपाथमा राखिँदा यसले झन जोखिम निम्त्याउने सम्भावना बढेको छ ।

उपत्यकामा दिनप्रतिदिन बढ्दै गएको सवारी साधनको संख्याले ट्राफिक व्यवस्थापनमा चुनौती थपिएको छ भने धुलोधुवाँले मानविय स्वास्थ्यमा प्रतिकूल असर पारेको देखिन्छ । यस सम्बन्धमा सम्बन्धित निकायले समयमै ध्यान दिन जरुरी देखिन्छ । यसै सन्दर्भमा नेपाल फोटो लाइब्रेरीले तयार पारेको उपत्यकाका विभिन्न स्थानका सडकको अवस्था ।