पुस १६ गते सम्म घलेम्दी हाइड्रोको हकप्रद शेयरमा आवेदन दिन पाइने

१ पुस, काठमाडौं । घलेम्दी हाइड्रो लिमिटेडले मंसिर १० गतेदेखि निष्काशन तथा बिक्री खुला गरेको हकप्रद शेयरमा आवेदन दिने म्याद १६ पुससम्मका लागि थपेको छ । 

कम्पनीले हाल कायम चुक्ता पूँजीको २०० प्रतिशत हकप्रद शेयर निष्काशन गरेको हो । कम्पनीले १ अर्ब १० करोड रूपैयाँ बराबरको प्रतिशेयर १०० रूपैयाँ अंकित मूल्यका १ करोड १० लाख कित्ता हकप्रद शेयर निष्काशनमा ल्याएको छ।