कोकिनको रुट : नेपाल ट्रान्जिट, भारत अन्तिम गन्तव्य
नेपालबहस संवाददाता
पुस ४, २०८० बुधबार २१:५४:४९
४ पुस, काठमाडौं । लागूऔषधका अन्तर्राष्ट्रिय तस्करहरूले नेपाललाई ट्रान्जिट बनाएर भारततर्फ कोकिन तस्करी गरेका छन् । पछिल्लो पटक नेपाल प्रहरीले गरेको एउटा प्रारम्भिक अनुसन्धानबाट नेपालको बाटोबाट भारतका विभिन्न शहरमा कोकिन तस्करी गरेको पाइएको हो ।
लागूऔषध नियन्त्रण ब्यूरोले गरेको अनुसन्धान अनुसार तस्करीमा अधिकांश भारतीय नागरिक नै प्रयोग भएका र नेपालको बाटो हुँदै नयाँ दिल्ली गन्तव्य देखिएको प्रहरीले जनाएको छ । ब्यूरोका अनुसार तस्करीमा खासगरी भारतको पूर्वोत्तर मिजोरमका नागरिक प्रयोग भएको देखिएका हुन । यो विषयमा सरसरती अध्ययन अनुसन्धान गर्दा भारतमा ठूलो बजार रहेको र गरिवीका कारण तस्करीमा पनि मानिस बढी देखिएका छन्’, व्यूराका प्रवक्ता एसपी चक्रराज जोशीले भने । उनका अनुसार आर्थिक अभावका कारण धेरै भरिया पूर्वोत्तर मिजोरमका नागरिक रहेका छन् ।
लागूऔषध नियन्त्रण ब्यूरोले पछिल्ला १० वर्षमा चलाएको २४ अप्रेसनमा ६५.७३६ किलो कोकिन बरामद गर्दा २९ अभियुक्त पनि पक्राउ परेका थिए । बरामद कोकिनमध्ये १८.३२ किलो दिल्ली लाने योजना रहेको खुलेको थियो । जुन कुल बरामद परिमाणको २७.८६९ प्रतिशत थियो । त्यस्तै, १३.३६२ कोकिनको हङकङ लगिने योजनाको थियो । यो कुल बरामद परिमाणको २०.३२६ प्रतिशत हो । बाँकी ३४.०९ किलो कोकिन भने नेपाल, थाइल्यान्ड, इटाली, पाकिस्तानलगायत देशमा तस्करी गर्ने योजनाअन्तर्गत खुलेको व्यूरोले जनाएको छ । ‘नेपाललाई ट्रान्जिट बनाएर तस्करी हुने अधिकांश कोकिनको गन्तव्य भारतको दिल्ली नै रहेको देखिन्छ । तस्करीमा अधिकांश भारतीय नागरिक नै प्रयोग भएका छन’, एसपी जोशीले भने ।
पछिल्लोपटक गत ४ मंसिरमा भारत मिजोरमकी ३२ वर्षीय किम्रो संगी त्रिभुवन अन्तर्राष्ट्रिय विमानस्थलमा १.९७३ किलो कोकिनसहित पक्राउ परेकी थिइन । उनले सुटकेसभित्र ‘फल्सबटम’ बनाई इथोपियाबाट कतार हुँदै कोकिन नेपाल ल्याएकी थिइन्, जुन भारतको नयाँदिल्ली लैजाने योजना थियो । काठमाडौं झरेकै दिन उनी जहाजमार्फत भुटान जाँदै थिइन । र, त्यहाँबाट दिल्ली उड्ने योजना थियो । कोकिन दिल्ली पु¥याएबापत किम्रोलाई तस्कर समूहले तीन लाख २० हजार दिने भएपनि उनी कोकिन लिएर दिल्ली जान तयार भएकी थिइन ।
भारत उत्तरप्रदेश अलिग्रहका ५१ वर्षीय रवीन्द्रकुमार परसरलाई गत ५ वैशाखमा प्रहरीले १.८० किलो कोकिनसहित ठमेलबाट पक्राउ ग¥यो । सो कोकिन उनलाई केन्याली नागरिक ६३ वर्षीय पिलिसिला वान्जा दिरुतीले जहाजमा काठमाडौं ल्याएर दिएकी थिइन । सो कोकिन उनले दिल्ली लैजान खोजेका थिए ।
भारत मिजोरमकै ४५ वर्षीय बहलाल्लावमीलाई पनि प्रहरीले गत १४ चैतमा अन्तर्राष्ट्रिय विमानस्थलबाट पक्राउ ग¥यो । उनीबाट २.८८७ किलो कोकिन पनि बरामद ग¥यो । कतारबाट इन्डिगो एयरलाइन्समा काठमाडौं झरेकी उनले उक्त कोकिन दिल्ली नै लैजान लागेकी थिइन । चारवटा लेडिज ब्यागको ‘फल्सबटम’भित्र लुकाई ल्याइएकी थिइन । गत १४ चैतमा प्रहरीले अन्तर्राष्ट्रिय विमानस्थलबाटै पाँच किलो कोकिनसहित २९ वर्षीया इस्टर लाल्हलिम्पुईलाई पक्राउ ग¥यो । ठमेलबाट पक्राउ परेकी उनी पनि भारत मिजोरमकै थिइन । बरामद कोकिन उनले पनि दिल्ली नै लैजान लागेकी थिइन् ।
त्यस्तै प्रहरीले २.९६६ किलो कोकिन तस्करी घटनामा ९ भदौ ०७९ मा विश्वभाषा क्याम्पसमा अध्ययनरत तान्जेनियाली २६ वर्षीया गट्र्युड लियोनार्द किमोरलाई पक्राउ ग¥यो । सिन्धुली खुर्कोटबाट पक्राउ परेकी उनी कोकिन भारतको दिल्ली नै लैजाने तयारीमा थिइन । लागुऔषध नियन्त्रण ब्युरोका अनुसार २०२२ फेब्रुअरीमा क्याम्पस भर्ना भएकी उनी स्टुडेन्ट भिसामा दुई वर्षदेखि नेपाल बस्दै आएकी थिइन । क्षेत्रपाटीमा प्रतिमहिना २० हजार रुपैयाँ फ्ल्याट भाडामा लिई बस्दै आएकी उनी २०१९ मा टुरिस्ट भिसामा पहिलोपटक नेपाल आएकी थिइन । प्रहरीका अनुसार यसरी भारत लैजान लागेको कोकिन बोक्ने पनि अधिकांश भारतीय नागरिक नै रहेका छन् ।
त्यसयता लगातार नेपाल बस्दै आएकी किमोरले लागूऔषध कारोबारमा विशेष गरी ‘एन्टी सर्भिलेन्स’को भूमिका निभाउँदै आएकी थिइन । बरामद कोकिनलाई काठमाडौंसम्म ल्याउने काम भने दक्षिण अफ्रिकी नागरिक ३० वर्षीया सिर्लेगामाले गरेकी थिइन । प्रहरीले उनलाई पनि पक्राउ गरेको थियो । फरक–फरक मितिमा बरामद माथि कोकिन तस्करीका चार घटनाको ‘मोडस अपरेन्डी’ (कार्यप्रणाली) एउटै छ । चारवटै घटनामा सुटकेस र लेडिज ब्यागको ‘फल्सबटम’भित्र कोकिन बरामद भएको छ । र, चारवटै घटनामा बरामद कोकिन नयाँदिल्ली लैजान खोजिएको छ । र, तस्करीमा भारतीय नागरिक नै प्रयोग भएका छन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपझापाबाट ३८ लाखभन्दा बढीको लत्ताकपडा बरामद
बैशाख १९, २०८१ बुधबार
चर्चित वन्यजन्तु तस्कर सम्पत्ति शुद्धिकरणमा दोषी ठहर
बैशाख १७, २०८१ सोमबार
हाजिरी जमानतमा रिहा भए कृष्णबहादुर महरा
चैत ९, २०८० शुक्रबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
जीबी राईको हत्या भएको भन्दै प्रचार गर्ने डिल्लीराम खनाल पक्राउ
बैशाख १९, २०८१ बुधबार
भावुक स्टाटस लेख्दै सन्दीप लामिछानेले भने- 'म षड्यन्त्रको सिकार भएँ'
बैशाख १९, २०८१ बुधबार
डढेलो निभाउने क्रममा मृत्यु भएकाका परिवारलाई आर्थिक सहयोग
बैशाख १९, २०८१ बुधबार
श्रमिकको कथामा चलचित्र ‘लेबर’ बन्ने घोषणा
बैशाख १९, २०८१ बुधबार
पोखरामा डढेलोले मौसम धुम्मिदा उडान अनियमित, पर्यटक आगमन ठप्प !
बैशाख १९, २०८१ बुधबार
नेपालको पत्रकारिता क्षेत्र लोकतन्त्रको जग : मुख्यमन्त्री कार्की
बैशाख १९, २०८१ बुधबार