अब मह भिरमा रक क्लाइम्बिङ गर्न पाइने [ फोटोफिचर ]

♦ मनिष अर्याल

५ पुस, काठमाडौं । साहसिक खेल मध्यको एक रक क्लाइम्बिङ अब सोलुखुम्बुको माप्य दुधकोशीमा पर्ने मह भिरमा गर्न पाइने भएको छ । गत हप्ता मात्र माप्य दुधकोशी गाँउपालिकाको वडा न ५ रोकामा पर्ने मह भिरमा रक क्लाइम्बिङको उद्‍घाटन गरिएको छ ।

रक क्लाइम्बिङ सेन्टरको उद्‍घाटन विश्वको सर्वोच्च शिखर सगरमाथाको २८ पटक सफल आरोहण गर्ने विश्वकिर्तिमानी आरोही कामीरिता शेर्पाले शुभारम्भ गरेका हुन् । माप्य दुधकोशी र ट्रेकिङ एजेन्सीज एशोसियशन नेपालको सहकार्य र माउन्टेन गाइड एशोसियशन नेपालको प्राविधिक सहयोगमा उक्त रक क्लाइम्बिङ सेन्टर निर्माण गरिएको छ । उक्त भिर १२० मिटर अग्लो रहेको छ ।

माप्य दुधकोशी र माउन्टेन गाइड एशोसियशन अफ नेपाल को सहकार्यमा उक्त रक क्लाइम्बिङ सेन्टरमा विभिन्न वडाहरु बाट गरि १२ जना स्थानीय युवा हरुलाइ रक क्लाइम्बिङको आधारभूत तालिम पनि दिइएको छ । पुर्ण तालिमका लागी दुई महिना लाग्ने भएकाले अहिले लाइ आधारभूत तालिम मात्र दिइएको माउन्टेन गाइड एशोसिएशन नेपाल का अध्यक्ष संजिव गुरुङ्गले जानकारी दिए । 

रक क्लाइबिङ एउटा साहसिक खेलमा पर्ने भएकाले एकै चोटि तालिम दिएर नहुने भएकोले रक गाइडको लागि पहिलो चरण अन्तर्गतको आधारभूत तालिम दिइएको छ , उनि भन्छन्, पालिका सङ्ग समन्वय गरेर थप तालिमका लागि अझै युवाहरु लाइ तालिम दिन सकिने छ । गत शुक्रवार उद्‍घाटन गरिएको मह भिरको भविष्य निकै राम्रो रहेको ट्रेकिङ्ग एजेन्सी एशोसिएशन नेपाल का अध्यक्ष निलहरि बास्तोलाले बताए । उनले सोलुखुम्बुको पर्यटन मा मह भिरको रक क्लाइम्बिङ सेन्टर थप टेवा पुराउने बताए। खतराबाट बच्न र क्लाइम्बिङ गर्नेहरूबाट उद्धारमा समेत सहयोग पुग्ने यो तालिम आफ्नो गाउपालिकामा गराउने अवसर पाएकोमा माप्य दुधकोशि गाँउपालिका अध्यक्ष बुद्धि किरण राई निकै खुसी छन ।

माप्यमै रक क्लाइम्बिङ सेन्टर खोलेर स्वदेशि मात्र नभै विदेशी रक क्लाइम्बरहरुलाइ लेराएर खेलाउन सकिने उनले बताए । उनि भन्छन्, माप्य दुध कोशि लाइ स्पोर्ट्स हब को रुपमा लग्दै जाने क्रममा हामीले मह भिरमा रक क्लाइम्बिङ सेन्टर स्थापना गरेका छौ र यस सङ्गै भलिबल मैदान , जीपलाइन, अरू अन्य खेलका गतिविधि गर्नको लागि अध्यन गर्दै छौ । सगरमाथा क्षेत्रमा जोडिने सडक खण्डको छेउमै मह भिर भएकाले व्यापारिक प्रवर्द्धनमा पनि माप्य दुधकोशि गाँउपालिका स्थानीयहरु निकै हर्षित छ ।