भक्तपुरमा नेपाल प्रहरीका एक जना सई मृत फेला

८ पुस, काठमाडौं ।  भक्तपुरमा नेपाल प्रहरीका एक जना सई मृत फेला परेका छन् । भक्तपुरको सिपाडोलस्थित घरमा प्रहरी नायव निरीक्षक 'सई' बालकृष्ण उपाध्याय मृत फेला परेका हुन् । 
 
भक्तपुर प्रहरीले दिएकाे जानकारी प्रहरी प्रधान कार्यालयमा कार्यरत ४४ वर्षीय सई उपाध्याय आफ्नै घरको तेस्रो तलामा कोठा भित्र मृत अवस्थामा भेटिएका हुन् ।

 घटनाको जानकारी लगत्तै तत्काल प्रहरी वृत्त जगातीबाट अनुसन्धान अधिकृत सहितको प्रहरी टोली खटिएर थप अनुसन्धान कार्य भई रहेको प्रहरीले जनाएकाे छ ।