शिक्षा कानुन : सार्वजनिक शिक्षाको गुणस्तर खस्किरहने तर विधेयक भने विशेष बन्ने अवस्था आउने त होइन ?
भेषराज पोखरेल
पुस १०, २०८० मंगलबार २०:०:८
नेपालको शिक्षा क्षेत्रलाई व्यवस्थित गर्न र शिक्षालाई गुणस्तरीय बनाउन संसदीय समितिमा सांसदहरूबीच छलफल भइरहेको छ । समितिमा छलफल भइरहँदा शिक्षा क्षेत्रलाई व्यवस्थित गर्न कानुन बाइँदै छ कि शिक्षाको गुणस्तर बढाउन पनि जोड दिइँदै छ भन्ने कुरा भने अन्योलको अवस्थामा छ जस्तो देखिन्छ । शिक्षा क्षेत्रलाई व्यवस्थित बनाउन संघीय सरकारको मातहतमा राख्न खोजेको देखिन्छ ।
शिक्षकहरूले पनि त्यही चाहेको देखिन्छ । संविधानले भने माध्यमिक तहसम्मको शिक्षालाई स्थानीय तहको जिम्मा दिनुपर्ने बताएको छ । शिक्षा विधेयक संसदमा छलफल हुँदा विभिन्न खालका शिक्षकको तलब, सुविधा, स्थायी, अस्थायी तथा अन्य समस्यालाई लिएर शिक्षकहरूले विरोध गरे । सरकारले शिक्षकहरूका समस्या समाधान गर्ने आश्वासन दिएर आन्दोलन स्थगित गरायो ।
शिक्षकका समस्या सम्बोधन नगरी शिक्षा क्षेत्र व्यवस्थित गर्न सकिन्न नै । त्यतातिर सांसदहरुले वृहत् छलफल गरेर निष्कर्ष निकाल्नु अति आवश्यक छ । यो त शिक्षा विधेयकको एउटा पाटो भयो नै अर्को महत्वपूर्ण पाटो माध्यमिक तहको शिक्षाको गुणस्तर कसरी उकास्ने ? भन्ने हुनुपर्छ । कमजोर शिक्षाका अन्य संरचना व्यवस्थित भएर पनि त्यो फलदायी हुनेछैन । कमजोर आर्थिक अवस्था भएका ग्रामीण वा शहरी क्षेत्रका ठूलो जनसंख्याका छोराछोरी पढ्ने सार्वजनिक विद्यालयको शिक्षाको उपलब्धि किन २० प्रतिशतभन्दा कम छ ? त्यसको खोजी हुनु जरुरी छ ।
संसदीय समितिमा सबै दलका सांसदहरुले आ-आफ्ना धारणा राखिरहेका छन् । कसैले शिक्षण पेसालाई आकर्षक बनाउनुपर्ने बताएका छन् । विज्ञान, गणित तथा अंग्रेजी विषयका शिक्षकहरू पाउन कठिन भएको अवस्थामा ती शिक्षकहरूले आफ्ना समस्या विधेयकमा नसमेटिएको भन्दै सडकमा आउनुपर्ने अवस्था आयो । यसलाई सम्बोधन गर्नुपर्ने बताए । कतिपय सांसदहरुले शिक्षकका समस्या समाधान गर्नैपर्छ तर गुणस्तरमा पनि जोड दिनुपर्ने बताएका छन् । उनीहरूले गुणस्तर सुधार गर्न शिक्षक तथा सरकारी कर्मचारीका छोराछोरी सार्वजनिक विद्यालयमा ध्याउनुपर्ने बाध्य पार्ने कुरा विधेयकमा समेट्नुपर्ने बताएका छन् ।
केही सांसदले शिक्षकलाई प्रोत्साहन गर्न सरकारी कर्मचारीको भन्दा एक रुपैयाँ भए पनि बढी तलव दिनुपर्ने बताएका छन् । कतिपय सांसदले संविधानको प्रावधान अनुसार माध्यमिक तहको जिम्मा स्थानीय तहमा दिएर व्यवस्थित गर्नुपर्ने बताए । शिक्षकसँग सरकारले गरेको प्रतिबद्धता र शिक्षकहरूको निरन्तरको दवाबका कारण शिक्षकहरूको तलब तथा सेवा, सुविधामा अवश्य पनि सुधार हुनेछ । अब सार्वजनिक शिक्षाको गुणस्तरमा सुधार हुन्छ कि हुन्न ? त्यो सर्वाधिक महत्वपूर्ण विषय हो ।
देश नयाँ संविधान बनेर संघीय शासन व्यवस्था अनुसार अघि बढेपछि शिक्षा क्षेत्रलाई व्यवस्थित बनाउन विधेयक ल्याउनैपर्थ्यो । अझ यति लामो समय लाग्न हुने थिएन । शिक्षकका सेवा, सुविधा बढाएर, अस्थायी तथा करार शिक्षकलाई केही प्रक्रिया पुर्याई स्थायी गरिने कुरा पनि अवश्य गरिएला । शिक्षाको गुणस्तर उकास्न यी कुराले कत्तिको काम गर्लान् ? अर्को, शिक्षक र सरकारी कर्मचारीका छोराछोरी सार्वजनिक विद्यालयमा पढाए शिक्षाको गुणस्तर उकास्न सहायक होला ? हुन त विद्यालयमा पढाउने शिक्षकहरूलाई सम्मानित अवस्थामा राख्नाले उनीहरूको गुणस्तर र क्षमता बढ्न सक्छ, उनीहरू शिक्षामै थप समर्पित हुन्छन् र राम्रो पढाउँछन् भन्ने मान्यता हो । मानवीय स्वभाव र मनोवैज्ञानिक तहबाट हेर्दा यो कुरा सही हो । सरकारले यसलाई पूरा गर्नैपर्छ तर अर्को डरलाग्दो पक्ष पनि छ हाम्रोमा । पछिल्लो समयमा राजनीतिक दलहरूले आफ्ना मान्छेलाई शिक्षा क्षेत्रमा करार तथा अस्थायी रुपमा भर्ती गरे । उनीहरुहरुले राजनीतिका सक्रिय कार्यकर्ता बनाए ।
उनीहरूलाई सिद्धान्तको कुनै ज्ञान र आकर्षण नभए पनि दल र तिनका नेताको अन्ध समर्थक भएर कार्यकर्ताका रुपमा लगाइए । दलहरूले शिक्षकलाई सिद्धान्तको बारेमा ज्ञान बढाउने, परिवर्तनका आधार तयार गर्ने नभई झगडा गर्ने, भिड्ने, कराएर जित्ने कार्यकर्ताका रुपमा तयार गरे । यस्ता शिक्षकले गुणस्तरमा सुधार गर्नतिर ध्यान दिने कुरै भएन । यो विद्यार्थी कांग्रेसको छोरा, यो एमालेको, यो माओवादीको भनेर ठूलो आग्रह, पूर्वाग्रह सिर्जना गर्न पट्टी लागे । यसले समाजलाई पनि विभाजनको रेखा कोर्न सहायक बन्न गयो । शिक्षा कानुन जस्तो बनाए पनि शिक्षा क्षेत्रका जति पनि संरचना र संयन्त्र छन् तिनलाई उपयोग गरी शिक्षकको स्तर र कामको निगरानी नगर्दासम्म गुणस्तर बढ्न सक्दैन ।
सबैभन्दा ठूलो कुरा समग्र शिक्षा क्षेत्रको अझ भन्दा विद्यालय व्यवस्थापन शिक्षाको गुणस्तरमा बाधक देखिएको छ । हामीले देखोका छौं २० देखि २५ प्रतिशत विद्यार्थी पढाउने निजी विद्यालयले ८० प्रतिशतभन्दा बढी परिणाम ल्याएको देखिएको छ । यसको कारण उनीहरूको चुस्त व्यवस्थापन नै हो । प्रशासन चलाउने मात्रै नभएर शिक्षकको गुणस्तर (प्रफर्मेन्स) कस्तो छ व्यवस्थापनले तत्काल जाँच गर्ने र सुधारिन लगाउने गरिनाले निजी विद्यालयको गुणस्तर राम्रो बन्न गएको छ । उनीहरूको व्यापारिक मानसिकताले पनि काम त गरेको छ तर पनि चेक एण्ड ब्यालेन्सले ठूलो काम गरेको छ । सरकारसँग सबै संयन्त्र व्यवस्थित छ तर काम भने सबै क्षेत्रमा कमजोर तथा जिम्मेवारी कसैले पनि नलिने व्यवहारले गुणस्तर कायम हुन नसकेको देखिन्छ । यसलाई कसरी सुधार गर्ने ? राज्यले यतातिर गम्भीर भएर सोच्नु आवश्यक छ ।
पछिल्लो समय राजनीतिक दलका नेतृत्वको चाहना र शिक्षकहरूको विरोधका कारण संविधानले व्यवस्था गरेको स्थानीय तहको अधिकार केन्द्रले खोस्ने गरी विधेयक बन्न थालेको देखिन्छ । दलका नेतृत्वले शिक्षकहरू आफ्ना कार्यकर्ता भएकाले सकेसम्म केन्द्रबाट अरनखटन गराउन चाहन्छन् । अर्को, शिक्षकहरुले आफूहरु पनि राजनीतिमा लपेटिएका र स्थानीय तह राजनीतिक क्षेत्र भएकाले पहिलेको जस्तो जसो गरे पनि जिम्मेवार बन्न नपर्ने अवस्था गुम्छ भनेर स्थानीय तहको मातहतमा बस्न चाहँदैनन् । शिक्षक र स्थानीय तहका जनप्रतिनिधिहरूमा सिद्धान्तको राजनीति नभएर छुद्र राजनीति भएकाले यही अवस्थामा तत्कालै शिक्षामा सुधार हुन कठिन छ ।
यदि माध्यमिक तहको शिक्षा स्थानीय तहको मातहतमा जाने, स्थानीय तहले सबै विषयका ज्ञाताहरुको विशेषज्ञ टोली बनाउने तथा सो टोलीद्वारा शिक्षकको गुणस्तर कस्तो छ ? जाँच गरिरहने तथा गुणस्तर कायम गर्न तत्कालै विषयसम्बन्धी ज्ञान बढाउने तालिम तथा प्रशिक्षण दिने हो भने गुणस्तरमा सुधार्न सकिन्छ । पढाइको निगरानी राखिरहने, छुद्र राजनीतिबाट टाढा रहने र शिक्षकलाई पनि त्यस्तो राजनीतिबाट टाढा राख्न सक्ने हो भने शिक्षाको गुणस्तर बढ्न सक्छ । विधेयक बनाउँदा यतातिर ध्यान दिइएला ?
भेषराज पोखरेल
नेपालबहस डटकमका नियमित स्तम्भकार भेष राज पोखरेल वरिष्ठ पत्रकार हुन् । विगत २५ वर्षदेखि अर्थ राजनीतिक धारमा कलम चलाउँदै आएका पोखरेलले कान्तिपुर दैनिकमा २० वर्ष भन्दा बढी समय भाषा सम्पादकका रुपमा काम गरेका छन् । स्वतन्त्र लेखकका रुपमा समेत विभिन्न दैनिक पत्रपत्रिकाहरुमा लेखहरू लेख्दै आएका पोखरेलले दुई वर्ष नेपाल तारा डटकमको सम्पादकको रुपमा काम गरेको अनुभव पनि छ ।
लेखकबाट थपसूचना प्रविधि क्षेत्रका प्रगति र चुनौती
बैशाख २०, २०८१ बिहिबार
सूचना तथा सञ्चार प्रविधि दिवस प्रविधिबाट प्रभावित बन्दै ‘सन्देश’ निर्माणको प्रक्रिया
बैशाख २०, २०८१ बिहिबार
लगानी सम्मेलन र लगानी वातावरण निर्माण
बैशाख १८, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
बुधबारदेखि ठोरी छोटी भन्सार पुनः सञ्चालनमा
बैशाख २०, २०८१ बिहिबार
आयोगले राष्ट्रपतिलाई बुझायो इलाम र बझाङमा भएको उपनिर्वाचनको प्रतिवेदन
बैशाख २०, २०८१ बिहिबार
स्पा तथा वेलनेस सेवामा जनशक्ति अभाव, माग धान्न हम्मेहम्मे
बैशाख २०, २०८१ बिहिबार
नेपाललाई पहिलो सफलता, प्रतिसले लिए विकेट
बैशाख २०, २०८१ बिहिबार
सूचना प्रविधि क्षेत्रका प्रगति र चुनौती
बैशाख २०, २०८१ बिहिबार
बालगौरी पाथीभरा मन्दिर
बैशाख २०, २०८१ बिहिबार