सिटिजन्स बैंकका पूर्व अध्यक्ष कुलचन्द्र गौतम नेपाल बैंकर्स संघबाट सम्मानित

१० पुस, काठमाडाैं । नेपाल बैंकर्स संघको ३७ औं बार्षिक साधारण सभाबाट सिटिजन्स बैंकका सञ्चालक समितिका पूर्व अध्यक्ष कुलचन्द्र गौतम सम्मानित भएका छन् । शनिबार चितवनमा आयोजित संघको ३७ औं वार्षिक साधारण सभामा उनलाई सम्मान गरिएको हो ।

नेपाल राष्ट्र बैंकका गर्भनर महाप्रसाद अधिकारीको समुपस्थितिमा गौतमले सिटिजन्स बैंकको अध्यक्ष लगायत राष्ट्रिय तथा अन्तर्राष्ट्रिय संघ संस्थाको विभिन्न ओहोदामा रहेर आर्थिक सामाजिक क्षेत्रमा पुर्याएको योगदानको उच्च कदर गर्दै उक्त सम्मान प्रदान गरको हो ।

गौतम संयुक्त राष्ट्र संघको सहायक महासचिव, युनिसेफको उपकार्यकारी निर्देशक, नेपालको लागि शान्ति प्रक्रिया तथा अन्तर्राष्ट्रिय मामिलामा प्रधानमन्त्रीका विशेष सल्लाहाकार, विश्व बैंक दक्षिण एसियाको खाद्य तथा पोषण सुरक्षा पहलका सल्लाहाकार, सिटिजन्स बैंक सञ्चालक समितिको अध्यक्ष लगायत क्षेत्रमा महत्वपूर्ण योगदान पुर्याउँदै आएका छन् ।