डीएसपी केसीलाई छुटाउन योजनाबद्ध बयान फेर्ने साक्षी विरुद्ध मुद्धा
नेपालबहस संवाददाता
पुस १२, २०८० बिहिबार १०:५३:२१
१२ पुस, काठमाडौं । इलाका प्रहरी कार्यालय बुटवलका तत्कालीन प्रमुख डीएसपी ठगबहादुर केसीलाई जोगाउन खोज्नलाई अदालतमा मुद्धा दायर गरिएको छ । उनलाई उन्मुक्ति दिने योजना अनुसार मिसिलमा बयान फेर्ने र अर्को बयान गर्न गराएको आरोपमा सरकारी साक्षीलाई मुद्धा दायर गरिएको हो ।
अख्तियार दुरुपयोग अनुसन्धान आयोगले उल्टो बकपत्र गराएको आरोपमा बुटवल उपमहानरपालिका–४ लक्ष्मीपुरका खिलेन्द्र सिंह जिसीविरुद्ध भ्रष्टाचारको मुद्दा दायर गरेको हो । डीएसपी केसीको भ्रष्टाचार प्रकरणमा सरकारी साक्षीको रुपमा पेस गरिएका जिसीले ठगबहादुरलाई उन्मुक्ति दिने गरी उल्टो बकपत्र दिइएकाले मुद्दा चलाइएको अख्तियारका
प्रवक्ता नरहरि घिमिरेले बताएका छन् ।
जिसीले अनुसन्धान अधिकृत समक्ष गरेको कागज प्रतिकूल हुने गरी बकपत्र गरेको भन्ने उजुरी परेपछि अनुसन्धान अघि बढाइएको थियो । जसक्रममा विशेष अदालतमा बकपत्र गर्ने बेला जिसीले डीएसपी केसीकै पक्षमा बकपत्र गरेको पाइएको थियो । त्यसपछि उनी विरुद्ध मुद्दा चलाइएको अख्तियारले जनाएको छ । उनलाई डीएसपी केसीकै १८ लाख घुस प्रकरणमा प्रतिवादी बनाउँदै मुद्दा दायर गरिएको छ ।
घुस प्रकरणमा विशेष अदालतमा मुद्दा दायर भएका डीएसपीलाई भने सेवाबाट बर्खास्त गरिसकिएको छ । इलाका प्रहरी कार्यालय बुटवलका तत्कालीन प्रमुख, केसीलाई ३५ तोला सुन, नगद र चेक गरी २५ लाख रुपैयाँसहित पक्राउ परेका निलम्बन गरिएको थियो । व्यवसायीको सुन नै कब्जा गरेपछि केसीलाई केन्द्रीय अनुसन्धान ब्यूरो (सीआईबी)को टोलीले पक्राउ गरेको थियो ।
केसीले बुटवलका सुन व्यवसायीबाट ३५ तोला सुन फिर्ता गर्ने सर्तमा ८ लाख ५० हजार रुपैयाँ घुस लिएको र सुनसमेत फिर्ता नगरेको प्रहरी प्रधान कार्यालयको छानबिन टोलीले ठहर गरेको थियो । उनको छानबिनका लागि प्रहरी वरिष्ठ उपरीक्षक चन्द्रकुवेर खापुङको संयोजकत्वमा ५ सदस्यीय छानबिन समिति गठन गरिएको थियो । शक्तिको आडमा बुटवलमा गलत धन्दा चलाइरहेको आरोप लाग्दै आएका केसी बुटवलबाट कास्की सरुवा भएका थिए । रमाना लिएर कास्की जानुभन्दा एक दिनअघि उनी सुन र नगद रकमसहित पक्राउ परेका हुन् । पक्राउ परेलगत्तै उनी निलम्बनमा परेका थिए ।
बुटवलका सुन व्यवसायी किसन विकबाट मंसिर २५ गते बरामद गरेको सुन उनले अनुसन्धान प्रक्रिया अघि नबढाई र माथिल्लो निकायलाई समेत जानकारी नदिई पुस ११ गतेसम्म निवासमै राखेर व्यवसायीसँग बार्गेनिङ गरेका थिए । डीएसपी केसी तनहुँबाट बुटवल आएदेखि नै व्यवसायीलाई तर्साउने र रकम असुली गर्ने धन्दामा लागेको व्यवसायीहरूले गुनासो गर्ने गरेका थिए । उनले पूर्वगृहमन्त्री बालकृष्ण खाणको नाममा व्यवसायीलाई धम्क्याउने र रकम असुली गर्ने गरेको पनि आरोप थियो ।
उनले घुमुवा बाबुराम घिमिरे र विजय शाहीलाई प्रयोग गरेर रकम असुल्ने गरेको भन्दै सार्वजनिक रुपमै आलोचना हुने गरेको थियो । केसीलाई भैरहवाको बुद्ध कुरियर एण्ड कार्गो सर्भिसबाट ३ लाख रकम असुलीको आरोप पनि लागेको थियो । तिलोत्तमा नगरपालिका–२ जानकीनगरस्थित अवैध कलसेन्टरमा छापा मारेर १ सय ५० भन्दा बढी कर्मचारी पक्राउ गरिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिरोहियालाई समाउन कान्तिपुर पब्लिकेसन्समा पुग्यो प्रहरी
जेठ ८, २०८१ मंगलबार
आजदेखि संसद भवन वरिपरीका पेटीबाट हिँड्न नपाइने
जेठ ४, २०८१ शुक्रबार
पशुपतिनाथको भेटी चोर्ने आठ जना पक्राउ
नेपालबहस संवाददाता
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
विनोद त्रिपाठी
जेठ ८, २०८१ मंगलबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
गृहमन्त्री रवि लामिछानेको दोहोरो पासपोर्टको अनुसन्धान कहिले ? : सिरोहिया
जेठ ८, २०८१ मंगलबार
सेक्युरिटी प्रिन्टिङ खरिदमा भ्रष्टाचार : विकललाई २ वर्ष कैद, २५ करोड जरिवाना
जेठ ८, २०८१ मंगलबार
राहुघाटको ‘प्रेसर साफ्ट’ ‘ब्रेक थ्रु’
जेठ ८, २०८१ मंगलबार
तरकारी खेतीबाट वार्षिक रु आठ लाखको बचत
जेठ ८, २०८१ मंगलबार
सानिमा बैंकको वित्तीय अवस्था दिन प्रतिदिन बिग्रँदै, वितरण योग्य नाफामा पहिरो
जेठ ८, २०८१ मंगलबार