कांग्रेस केन्द्रीय समितिमा निशंकोच बालकृष्ण खाँण

१३ पुस, काठमाडौं । भरखरै जेलबाट छुटेका नेपाली कांग्रेस नेता बालकृण खाँण आजको केन्द्रीय समितिको बैठकमा उपस्थित भएका छन् । विहान ११ बजे नै पार्टी कार्यलय पुगेका उनले सहकर्मीसँग कुनै शंकोच नमानी कुरा गरेका थिए । पुरानै शैलीमा उनले कुराकानी गरे । 

नक्कली भुटानी शरणार्थी प्रकरणमा धरौटीमा रिहा भएपछि नेता  खाँण आज पहिलो पटक कांग्रेसको केन्द्रीय समिति बैठकमा सहभागी भएका हुन् । बैठक स्थलमा नेता खाँण सहकर्मीसँगको भलाकुसारीमा व्यस्त रहे । सञ्चो विसञ्चो सोध्न भ्याए । 

नक्कली भुटानी शरणार्थी प्रकरणमा मुछिएपछि गत वर्ष वैशाख २७ गते पक्राउ परेका उनी मंसिर २९ धरौटीमा रिहा भएका थिए । कांग्रेसका प्रभावशाली नेता खाँण एक वर्षपछि पार्टी कार्यालय सानेपा छिरेका हुन् । 
 
बिहीबारदेखि पार्टी कार्यालय सानेपामा जारी केन्द्रीय समिति बैठकको दोस्रो दिन खाँण सहभागी भएका हुन् । जेलबाट छुटेपछि उनी सार्वजनिक कार्यक्रममा सहभागि भएका िथएनन् ।