कालिमाटीमा कुन तरकारीको भाउ कति छ ?

२२ पुस, काठमाडौं । कालीमाटी फलफूल तथा तरकारी बजार विकास समितिले आइतबार लागि तरकारी तथा फलफुलको मूल्य सार्वजनिक गरेको छ ।

जसअनुसार हरियो अंगुरको न्यूनतम् मूल्य प्रतिकेजी २२० रूपैयाँ र कालो अंगुर ३२० रूपैयाँ, अनार र किवी ३०० रूपैयाँ, आभोकाडो २५० रूपैयाँ पर्दछ भने अमला ८० र अम्बा १०० रूपैयाँमा खरिदबिक्री भइरहेको छ ।

समितिका अनुसार नेपाली ठूलो गोलभेँडा ५० रूपैयाँ, लोकल सानो गोलभेँडा १० रूपैयाँ, अदुवा १५० रूपैयाँ, रातो आलु ३४ रूपैयाँ, रातो भारतीय आलु ३० रूपैयाँ रहेको छ भने स्थानीय काउली १५ रूपैयाँ, कागती १२० रूपैयाँ, सुकेको खुर्सानी ४८० रूपैयाँ, हरियो खुर्सानी ६० रूपैयाँ, अकबरे हरियो खुर्सानी ५०० रूपैयाँ प्रतिकेजी कायम भएको छ ।

यसैगरी, आइतबार लोकल गाजरको न्यूनतम् मूल्य प्रतिकेजी ४० रूपैयाँ, लोकल बन्दा ३० रूपैयाँ, लोकल सेतो मूला र रातो मूला १० रूपैयाँ रहेको छ भने लोकल घिउ सिमी ४० रूपैयाँ, राजमा घिउ सिमी ९० रूपैयाँ र हरियो फर्सी लाम्चो २० रूपैयाँ, डल्लो हरियो फर्सी ३० रूपैयाँमा खरिदबिक्री भइरहेको छ । 

यता, तोरीको साग ४० रूपैयाँ र रायो साग ३० रूपैयाँ छ भने चमसूर, पालूगो  मेथीको साग ९० रूपैयाँमा खरिदबिक्री भइरहेको छ ।

तराई परवर ८० रूपैयाँ, गुन्द्रुक २५० रूपैयाँ, भारतीय सुकेको प्याज ८५ रूपैयाँ, चाइनिज प्याज ६० रूपैयाँ, हरियो प्याज ९० रूपैयाँ, पुदीना २२० रूपैयाँ केजी कायम गरिएको छ । ब्रोकाउली ४० रूपैयाँ, चाइनिज सुकेको लसुन २५० रूपैयाँ छ भने हरियो लसुन १०० र नेपाली सुकेको लसुन २६० रूपैयाँ पर्दछ ।

 

डल्ले भान्टा ४० रुपैयाँ र हरियो धनिया ११० रुपैयाँ पाइने समितले जनाएको छ ।
यसैगरी, ताजा छडी माछा २४० रुपैयाँ र बचुवा माछा २६० रुपैयाँ प्रतिकेजी पाइन्छ भने रहु माछा ३६० रुपैयाँ र मंगुरी माछा ३०० रुपैयाँमा किनबेच भइरहेको छ।