लाभांश पारित गर्न हिमालयन डिस्टिलरीको कहिले बस्दै छ एजीएम ?

२२ पुस, काठमाडौं । हिमालयन डिस्टिलरीले पुस २५ गते वार्षिक साधारणसभा बस्ने भएको छ । संस्थाले सभामा लाभांश वितरण प्रस्ताव पनि पारित गर्ने जनाएको छ । 

हिमालयन डिस्टिलरीले गत वर्षको नाफाबाट सेयरधनीलाई २५ प्रतिशत लाभांश दिने घोषणा गरिसकेको छ । कम्पनीले १० प्रतिशत बोनस सेयर र कर प्रयोजनसहित १५५ नगद गरी कुल २५५ लाभांश दिने निर्णय गरेको हो । गत वर्ष यसले ६० प्रतिशत बोनस सेयर र १० प्रतिशत नगद गरी कुल ७० प्रतिशत लाभांश वितरण गरेको थियो ।

साधारण सभा तथा लाभांश वितरण प्रयोजनका लागि यसले पुस १३ गते बुक क्लोज गरिसकेको छ । पुस १२ गतेसम्म कायम रहेका सेयरधनी मात्र प्रस्तावित लाभांश पाउन र सभामा भाग लिन योग्य हुनेछन् । सभा वीरगञ्ज नगरपालिकाको लिपनीविर्तास्थित कम्पनीको रजिष्टर्ड कार्यालयमा बिहान १०ः३० बजे सुरु हुनेछ ।