चीनले लगानी गरेका आयोजनाको बिजुली किन्न भारतको असहमति : प्रधानमन्त्री

२५ पुस, काठमाडौं‍ । प्रधानमन्त्री पुष्पकमल दाहाल प्रचण्डले चीनको लगानीबाट उत्पादित आयोजनाका बिजुली किन्न भारतबाट असहमति प्रकट गरेको जानकारी दिएका छन् । 

बुधबार सिंहदरबारमा बसेको कानुन, न्याय तथा मानव अधिकार समितिको बैठकमा प्रधानमन्त्री प्रचण्डले चीनले नेपालमा प्रत्यक्ष लगानी गरेका आयोजनाबाट उत्पादित बिजुली किन्ने बारेमा भारतले असहमति प्रकट गरेको जानकारी दिएका हुन् । 

हालै भएको भारतीय विदेशमन्त्री एस जयशंकरको नेपाल भ्रमणका क्रममा भएको नेपाल–भारतबीच १० वर्षमा १० हजार मेगावट विद्युत सम्झौतामा भारतले उक्त सहमति प्रकट गरेको प्रधानमन्त्री प्रचण्डको भनाइ छ ।