चालु खाता डेढ खर्ब नजिक पुग्दा विदेशी मुद्रा सञ्चिति १७ खर्ब ६७ अर्ब नाघ्यो
नेपालबहस संवाददाता
पुस २६, २०८० बिहिबार १९:२०:२६
२६ पुस, काठमाडौं । चालु आर्थिक वर्ष (आव) को ५ महिनामै शोधनान्तर बचत २ खर्ब नाघेको छ । नेपाल राष्ट्र बैंक आर्थिक अनुसन्धान विभागले चालु आर्थिक वर्षको मंसिर मसान्तसममको तथ्यांककको आधारमा मुलुकको आर्थिक तथा वित्तीय अवस्थाको प्रतिवेदन सार्वजनिक गर्दै शोधनान्तर बचत २ खर्ब १० खर्ब १० अर्ब ५९ करोड पुगेको राष्ट्र बैंकले जनाएको छ ।
गत मंसिर महिनामा मुलुकको कुल विदेशी विनिमय (मुद्रा) सञ्चिति १७ खर्ब ६७ अर्ब ४ करोड रुपैयाँ पुगेको छ । गत असारको तुलनामा यो १४.८ प्रतिशतले बढेको हो । गत असारमा कुल विदेशी मुद्रा सञ्चिति १५ खर्ब ३९ अर्ब ३६ करोड रुपैयाँ थियो । ‘अमेरिकी डलरमा यस्तो सञ्चिति ०८० असार मसान्तमा ११ अर्ब ७१ करोड रहेकोमा ०८० मंसिर मसान्तमा १३.६ प्रतिशतले वृद्धि भई १३ अर्ब ३१ करोड पुगेको छ,’ राष्ट्र बैंकको प्रतिवेदनमा उल्लेख छ ।
कुल विदेशी मुद्रा सञ्चितिमध्ये नेपाल राष्ट्र बैंकमा रहेको सञ्चिति ०८० असार मसान्तमा १३ खर्ब ४५ अर्ब ७८ करोड रुपैयाँ थियो । गत मंसिरसम्ममा यो १५.६ प्रतिशतले बढेर १५ खर्ब ५६ अर्ब २५ करोड पुगेको छ । बैंक तथा वित्तीय संस्था (नेपाल राष्ट्र बैंक बाहेक) सँग रहेको विदेशी विनिमय सञ्चिति ०८० असार मसान्तमा १ खर्ब ९३ अर्ब ५९ करोड रहेकोमा गत मंसिर मसान्तमा ८.९ प्रतिशतले बढेर २ खर्ब १० अर्ब ७९ करोड कायम भएको छ ।
आर्थिक वर्ष २०७८÷७९ मा आयातमा अत्यधिक वृद्धि भएर शोधनान्तर घाटा चुलिएर बाह्य क्षेत्रमा दबाब बढ्दा सरकारसँगै राष्ट्र बैंक पनि आयात नियन्त्रण गर्ने निर्णयमा पुगेका थिए । २०७९ वैशाखदेखि पुससम्म सरकारले विभिन्न वस्तुको आयातमा प्रतिबन्ध नै लगायो । आव २०७८÷७९ मा शोधनान्तर घाटा २ खर्ब ५५ अर्ब पुगेको थियो ।
आव २०७९÷८० को भदौसम्म पनि घाटामा रहेको शोधनान्तर स्थिति असोजदेखि बचतमा गएको थियो । गत आवमा २ खर्ब ९० अर्ब बचतमा भएको शोधनान्तर स्थिति चालु आवको पहिलो छ महिनामै २ खर्ब १० अर्ब बचतमा रहेको राष्ट्र बैंकले जनाएको छ । कात्तिक मसान्तमा १ खर्ब ४७ अर्ब ११ करोड बचतमा रहेको शोधनान्तर बचत १ महिनामै ५७ अर्बले बढेको हो । गत आवको मंसिर मसान्तमा शोधनान्तर स्थिति ४५ अर्ब ८६ करोडले बचतमा थियो ।
चालु खाता बचत पनि डेढ खर्ब नजिक पुगेको राष्ट्र बैंकले जनाएको छ । चालु आवको मंसिर मसान्तमा अवधिमा चालु खाता १ खर्ब ४० अर्ब २३ करोडले बचतमा रहेको राष्ट्र बैंकले जनाएको छ । कात्तिक मसान्तमा ९६ अर्ब ३८ करोडले बचतमा रहेको चालु खाता उक महिनामै उल्लेख्य रुपमा वृद्धि भएको छ ।
गत आवको मंसिर मसान्तमा ४१ अर्ब २१ करोडले घाटामा रहेको चालु खाता चालु आवमो राम्रो सुधार देखिएको हो । यस्तै चालु आवको पाँच महिनामा पूँजीगत ट्रान्सफर १७.२ प्रतिशतले कमी आई २ अर्ब ८७ करोड कायम भएको छ । खुद प्रत्यक्ष वैदेशिक लगानी ३ अर्ब ९२ करोड रहेको राष्ट्र बैंकले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएडीबीको बोर्ड बैठकमा नेपालद्वारा सहुलियतपूर्ण सहायता बढाउन अपिल
बैशाख २४, २०८१ सोमबार
एक अर्ब बराबरको वैदेशिक रोजगार बचतपत्र निष्काशन हुँदै
बैशाख २३, २०८१ आइतबार
अर्थमन्त्रीले कसरी बनाउँदैछन आगामी बजेट ?
बैशाख २०, २०८१ बिहिबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
तामाङ र नेपाल भाषा दिवस र्याली
बैशाख २४, २०८१ सोमबार
एनआईसी एशिया बैंकद्वारा राष्ट्रिय महिला फुटबल टोलीलाई सम्मान
बैशाख २४, २०८१ सोमबार
डढेलो नियन्त्रण गर्न प्रभावकारी समन्वय जरुरी : विज्ञ
बैशाख २४, २०८१ सोमबार
ग्लोबल आइएमई बैंक र बडीमालिका नगरपालिकाबीच कर्जा सहजीकरण सम्झौता
बैशाख २४, २०८१ सोमबार
ललितपुर आगलागीमा घाइते भएका दुई बालिकाको मृत्यु, दुईको अवस्था गम्भीर
बैशाख २४, २०८१ सोमबार
डिभोर्स गर्न अदालत पुगेका श्रीमानद्वारा श्रीमती कुटिए
बैशाख २४, २०८१ सोमबार