बरहथवामा गोली चलाउने प्रहरी हवल्दारलाई प्रहरी सेवाबाट बर्खास्त गर्न छानबिन समितिको सिफारिस

१ माघ, काठमाडौं । सर्लाहीको बरहथवा घटनामा गोली चलाएका बरिष्ठ हवल्दारलाई बर्खास्त गर्न सिफारिस गरिएको छ । घटनामा एकजनाको ज्यान गएपछि गठित छानबिन समितिले बरिष्ठ हवल्दारलाई सेवाबाट हटाउन सिफारिस गरिएको हो ।

गत २० पुसमा बरहथवामा भएको घटना प्रहरीको गोली लागेर बरहथवा नगरपालिका–६ का जयशंकर साहको मृत्यु भएको थियो ।

सो घटनाको छानबिन गर्न गृह मन्त्रालयका सहसचिव थानेश्वर गौतम नेतृत्वमा समिति बनाएको थियो । गौतम नेतृत्वका समितिले प्रहरी हवल्दारले चलाएको गोली लागेर साहको मृत्यु भएको निष्कर्ष निकाल्दै गोली चलाउने हवल्दारलाई सेवाबाट बर्खास्त गर्न सिफारिस गरेको हो ।

आइतबार समितिले गृहमन्त्री नारायणकाजी श्रेष्ठलाई बुझाएको प्रतिवेदनमा गोली चलाउने प्रहरी हवल्दारलाई नै सेवाबाट बर्खास्त गर्न सिफारिस गरिएको जनाएको छ । 

सरकारले मृतकका परिवारलाइ १० दिने घोषण गरेको थियो ।