ठाकुरबाबा नगरपालिकाको अर्को बदमासी, आफुले राख्न चाहेको मान्छे थुनिएपछि परीक्षा नै स्थगित

दीपक शर्मा 

२ माघ, बर्दिया । बर्दियाको ठाकुरबाबा नगरपालिकाले नगर प्रहरी भर्तिमा चोर बाटो अपनाइएको समाचार केहि समय पहिले नेपाल बहसमार्फत सार्वजनिक गरिएको थियो अहिले ति नगर प्रहरी प्रहरीको हिरासतमा पुगेका छन् । उनीहरू उपस्थित नहुने भएपछि तोकिएको परीक्षा स्थगित गरिएको छ ।  

ठाकुरबाबा नगरपालिकाले एक जना नगर प्रहरी हवल्दारको माग गरेर सूचना सार्वजनिक गरेको र भर्ना गर्ने बेलामा २ जनालाई भर्ना गरेको पाइएको थियो । पालिकाले २०८० श्रावण ९ गते करारमा नगर प्रहरी भर्ना सम्बन्धी सूचना प्रकाशित गरेको थियो ।

जसमा नगर प्रहरी सहायक निरीक्षक १ जना, नगर प्रहरी सहायक १ जना, नगर प्रहरी हवल्दार १ जना र नगर प्रहरी जवान ९ जना गरी १२ जना नगर प्रहरी भर्नाका लागी सूचना निकालिएको थियो । पालिकाले नगर प्रहरी सहायक निरीक्षक र नगर प्रहरी हवल्दारको परीक्षा २०८० साल असोज ६ गर्ने भनेकोमा स्थगीत गरेको थियो । 

पालिका स्रोतका अनुसार सो समय पालिकाले राखेका नगर प्रहरी सहायक निरीक्षक हिरासिंह थारु र नगर प्रहरी हवल्दार दुर्गा प्रसाद तिमिल्सिना जुवा खेलेको आरोपमा पक्राउ परेका थिए । उनिहरु इलाका प्रहरी कार्यालय बगनाहमा रहेका कारण पालिकाले केहि दिनका लागी परीक्षा स्थगित गरेको थियो । 

प्रहरी स्रोतका अनुसार जुवा खेलेको आरोपमा अहिले ठाकुरबाबा नगरपालिकामा कार्यरत नगर प्रहरी सहायक निरीक्षक र नगर प्रहरी हवल्दार रहेका छन । पालिकाले बाहिर देखावटी रुपमा आदर्शका गफ चुट्ने गरेतापनि भित्री रुपमा आफनो मान्छेलाई र अनुकुलको मान्छेलाई सेवा दिदा होस वा केहि काम दिदा पहिलो प्राथमिकता दिने गरेको छ । यो कार्यमा जनप्रतिनिधि र कर्मचारीको समन्वयबाट नै भएको पाइएको हो ।