डडेल्धुरामा टिपर दुर्घटना हुँदा २ युवकको मृत्यु, २ घाइते

२३ वैशाख, डडेल्धुरा । डडेल्धुरामा शनिबार राति ट्याक्टर दुर्घटना हुँदा दुई जनाको मृत्यु भएको छ । जिल्लाको नवदुर्गा गाउँपालिका–४ सिरोडको भित्री सडकमा बागमती प्रदेश०१–००१ क ९६५१ नम्बरको ट्याक्टर दुर्घटना हुँदा दुई जनाको मृत्यु भएको र दुई जना घाइते भएका जिल्ला प्रहरी कार्यालयले जनाएको छ ।

डडेल्धुराको नवदुर्गामा टिपर दुर्घटना हुँदा २ युवकको मृत्यु भएको हो । दुर्घटनामा परेर थप दुईजना घाइते भएका छन् । दुर्घटनामा ट्याक्टर चालक धादिङको गजुरी गाउँपालिका–७ का ४० वर्षीय धिरज थापा मगर र धादिङकै रोराङ गाउँपालिकाका २७ वर्षीय विष्णु विकको मृत्यु भएको पुष्टि चिकित्सकले गरेका छन । 

दुर्घटनामा धादिङकै ३१ वर्षीय सुदिप विक र डडेल्धुराको नवदुर्गा गाउँपालिका–४ सिरुडाका २८ वर्षीय हिक्मत विक घाइते भएका छन् । उनीहरूको डडेल्धुरा अस्पतालमा उपचार भइरहेको छ । बेलापुरबाटसिरुडास्थित रामजाने कन्स्ट्रक्सनको क्याम्पतर्फ जाँदै गरेको टिपर  सिरुडास्थित भित्री सडकमा दुर्घटनामा परेको हो । दुर्घटनामा मृत्यु हुने र घाइते हुने युवक टिपरका मजदुर हुन् ।