सुदूरपश्चिम प्रदेशमा आजदेखि हिउँदे अधिवेशन

५ माघ, धनगढी । सुदूरपश्चिम प्रदेश सभाको तेस्रो अधिवेशन आज शुक्रबारदेखि सुरु हँदैछ । दिउँसो २ बजे प्रदेश सभाको बैठक आह्वान गरिएको प्रदेश सभा सचिवालयले जनाएको छ । 

पहिलो र दोस्रो अधिवेशन कामै नपाएर टुंग्याएको प्रदेश सभामा तेस्रो अधिवेशन सुरु हुने बेलासम्म पनि कुनै बिजिनेस छैन । सरकारले अहिलेसम्म एउटा पनि विधेयक पठाएको छैन । 

अन्य काम नभएकाले बैठकमा प्रमुख दलका नेताहरुले शुभकामना मन्तव्य दिने कार्यसूची राखिएको छ । प्रदेश सभा सदस्यहरुले सरकारले बिजिनेस नदिएको भन्दै सुरुदेखि नै आलोचना गर्दै आएका छन् । तर सरकारले नटेरेको भन्दै अधिकांश सांसदहरू रुष्ट छन् ।