स्कुल बसले ठक्कर दिँदा ३ वर्षीय बालकको ज्यान गयाे

५ माघ, पोखरा । पोखरामा स्कुल बसको ठक्करबाट एक विद्यार्थीको ज्यान गएको छ ।

पोखरा महानगरपालिका २४ कास्किोट काउलेमा ग१क ४०८२ नम्बरको बाल प्रतिभा बोर्डिङ स्कुलको बसले ठक्कर दिँदा सोही विद्यालयमा नर्सरी कक्षामा अध्ययनरत ३ वर्षी समिर कार्कीको मृत्यु भएको जिल्ला प्रहरी कार्यालय कास्कीले जानकारी दिएको छ ।

बसबाट झरेर घर जाने क्रममा उक्त बसले ठक्कर दिँदा मृत्यु भएको जिल्ला प्रहरी कास्कीका सूचना अधिकारी डिएसपी श्रवणकुमार विकले जानकारी दिए ।

ठक्करबाट घाइते भएका समिरको उपचारको लागी मेट्रोसिटी अस्पताल लगिएकोमा अस्पतालले मृत घोषणा गरेको हो । ठक्कर दिने बस र बस चालक प्रहरीले नियन्त्रणमा लिएको छ । घट्ना बारे थप अनुसन्धान भइरहेको प्रहरीले जनाएको छ ।