जहाँ कार्यालय सहगोगीकै भरमा चल्छन् विद्यालय

९ माघ, सुर्खेत । सल्यानको बनगाड कुपिण्डे नगरपालिकाका आधा दर्जनभन्दा बढी विद्यालय बालविकास र कार्यालय सहयोगीको भरमा सञ्चालन हुँदै आएका छन् । आधारभूत तहलाई अनिवार्य, नि:शुल्क र गुणस्तरीय शिक्षामा जोड दिइरहेकाे रहेको बताइए पनि  शिक्षक अभावमा विद्यार्थी पढ्न वञ्चित हुँदै आएका छन् ।

बनगाड कुपण्डिे नगरपालिका २ मा रहेको भगवती प्राथमिक विद्यालय बाहुनगाउँ ३ मा रहेको जनता प्रावि खरिक, वडा नम्बर ४ मा रहेको बाललीला प्रावि देउली, वडा नम्बर ९ मा रहेको काफलगैरी प्रावि सेरा, वडा नं १० मा रहेको प्रेमज्योति प्रावि पराजुल र वडा नं १२ मा रहेको दलीत प्रावि ताल लगायतका विद्यालय शून्य दरबन्दी हुँदा बालवकिास र कार्यालय सहयोगीको भरमा सञ्चालन हुँदै आएका छन् ।

सेरामा बालवकिास र कार्यालय सहयोगीको भरमा चलिरहेको छ । कक्षा १-३ सम्म सञ्चालन भएको उक्त विद्यालयमा २२ जना विद्यार्थी छन् । बाहुनगाउँ पनि कक्षा १-३ चलेको छ जसमा २४ जना विद्यार्थी रहेको रञ्जना आचार्य शर्माले बताइन । बालविकास र कार्यालय सहयोगीले पढाइ रहनुपरेको उनले बताइन् ।

खरिकमा ३२ जना विद्यार्थी छन् जसमा दुई जना निजी शिक्षक र कार्यालय सहयोगीले पढाइरहेका छन् । पराजुलमा २५ जना विद्यार्थी छन् जसमा बालविकास र कार्यालय सहयोगीले पढाइरहेका छन । यी सबै विद्यालय बालविकासदेखि ३ कक्षासम्म चलिरहेका छन् ।

नगर प्रमुख कणर्बहादुर बुढाथोकीले शिक्षामा आफ्नो पहिलो प्राथमकिता राखेको त्यस्तो ठाउँमा छिट्टै शिक्षक व्यवस्थापन गर्ने बताए सामाजिक विकास समिति संयोजक तथा वडा नम्बर ७ का वडाअध्यक्ष जीवन शाही ठकुरीको संयोजकत्वमा विद्यालय अनुगमन, व्यवस्थापन, दरबन्दी मिलान, विद्यालय समायोजन लगायतका काम गर्ने समिति बनेको र उक्त समितिको प्रतिवेदनअनुसार काम अघि बढाउने उनको भनाइ छ ।

 प्रतिवेदनमा आएको निष्कर्षअनुसार दरबन्दी मिलान गरेर थप दरबन्दी थपघट गरे शिक्षामा सुधार ल्याउने नगरप्रमुख बढाथोकीले बताए ।

 जिल्लामा ४३९ सामुदायिक विद्यालय रहेकोमा दरबन्दी र राहत गरेर १ हजार ६०२ जना मात्र शिक्षक रहेका छन् ।