कांग्रेस वरिष्ठ नेता डा. शेखरले विराटनगरको कोइराला निवासमा बुधबार चियापान गर्ने

९ माघ, काठमाडौं । नेपाली कांग्रेस वरिष्ठ नेता डा.शेखर कोइरालाले विराटनगरको कोइराला निवासमा बुधबार चियापान गर्ने भएका छन् ।

आसन्न राष्ट्रिय सभालाई मध्यनजर गर्दै ऐतिहासिक स्थल विराटनगरको कोइराला निवासमा भोली बिहान चियापानको आयोजना गरिएको कोइरालाले सचिवालयले जनाएको छ ।

कांग्रेसका वरिष्ठ नेता डा. शेखर कोइरालाले कोशी प्रदेश सभाका सदस्यहरू तथा स्थानीय तहका प्रमुख तथा उपप्रमुखका लागि चियापान आयोजना गरेका हुन् । बुधबार बिहान ८ बजेर ३० मिनेटमा चियापान सुरु हुने कोइरालाको सचिवालयले जनाएको छ । 

चियापान कार्यक्रममा सहभागी हुन नेपाली कांग्रेसका महामन्त्री गगन थापासहित मिनेन्द्र रिजाल, खेलकुदमन्त्री डिगबहादुर लिम्बू विराटनगर पुगिसकेका छन् ।