राष्ट्रियसभा निर्वाचनलाई लक्षित गर्दै कोइराला निवासमा चियापान

१० माघ, विराटनगर । नेपाली कांग्रेसका वरिष्ठ नेता डा. शेखर कोइरालाले राष्ट्रियसभा निर्वाचनलाई लक्षित गरि आफ्नै निवास विराटनगरमा बुधबार विहान चियापान राखेका छन् । चियापानमा कांग्रेस महामन्त्री गगन थापादेखि कांग्रेसका नेता तथा कार्यकर्ताकहरुको बाक्लो उपस्थिति थियो । 

भोली राष्ट्रियसभा सदस्य पदका लागि निर्वाचन हुँदैछ । निर्वाचनको पूर्वसंध्यामा कोइरालाले पार्टीमा एकताको आग्रह गर्दै चियापान कार्यक्रम राखेका हुन् । बुधबार विहानैदेखि विराटनगरको कोइराला निवासमा नेता तथा कार्यकर्ताको बाक्लो उपस्थिति थियो । 

कोइरालाले राखेको चियापानमा महामन्त्री गगन थापा, पूर्वमहामन्त्री कृष्णप्रसाद सिटौला, केन्द्रीय सदस्य मीनेन्द्र रिजाल, रामहरि खतिवडा, मीनबहादुर विश्वकर्मा, सरिता प्रसाईंलगायत नेताहरु उपस्थित थिए । कोशी प्रदेशका मुख्यमन्त्री केदार कार्की, मन्त्रीहरु, प्रदेशसभा सदस्यहरू, स्थानीय तहका प्रमुख तथा उपप्रमुख लगायतलाई चियापानमा निम्ता दिइएको थियो ।