सानिमा इन्स्योरेन्सको साधारणसभा आज, सेयरधनीको हात खाली

११ माघ, काठमाडौं । सानिमा रिलायन्स लाइफ इन्स्योरेन्सको आज बिहिान ११ बजे साधारण सभा बस्दैछ । सभा आम्रपाली ब्याङक्वैट काठमाडौंमा बस्दैछ । सभामा कम्पनीले लाभांश सम्बन्धी कुनै प्रस्ताव नरहेको जनाएको छ जसकारण सेयरधनीहरूको हात भने खाली रहने छ ।

सभामा २०७८/०७९ को नाफा नोक्सान हिसाबकिताब सम्बन्धमा छलफल हुनेछ । त्यस्तै, सभाले सञ्चालक समितिमा संस्थापक समूहको तर्फबाट प्रतिनिधित्व गर्ने ४ जना र सर्वसाधारण समूहको तर्फबाट प्रतिनिधित्व गर्ने २ जना सञ्चालक निर्वाचन गर्नेछ ।

सभा प्रयोजनका लागि यसले पुस २६ गते एक दिन बुक क्लोज गरिसकेको छ । पुस २५ गतेसम्म कायम रहेका सेयरधनीले सभामा सहभागिता जनाउन सक्नेछन् ।