यू-१९ विश्वकप अन्तर्गत आज नेपाल र अफगानिस्तानबीच खेल हुँदै, दुवै टिमलाई जित्नेपर्ने दबावमा

१२ माघ, काठमाडौं । जारी आइसीसी यू–१९ विश्वकप अन्तर्गत आज नेपालले समूह चरणको अन्तिम खेलमा अफगानिस्तानको सामना गर्दै छ ।  समूह डी मा रहेको नेपालको यो खेल नेपाली समय अनुसार अपरान्ह १ः४५ बजेदेखि सुरु हुँदैछ । 

नेपालले आफ्नो पहिलो खेलमा न्युजिल्यान्डसँग ६४ रनको हार बेहोरेको थियो भने दोस्रो खेलमा पाकिस्तानसँग ५ विकेटको हार बेहोरेको थियो ।  

अहिलेसम्म समूह डी मा न्युजिल्याण्डले र पाकिस्तानले लगातार दोस्रो जित हासिल गर्दै सुपर सिक्समा आफ्नो स्थान सुरक्षित गरेका छन् । आजको नेपाल र अफगानिस्तान दुवैले आफ्ना २–२ खेलमा हार बेहोरेका हुनाले यस खेलको विजेता समुह डी बाट सुपर सिक्समा पुग्ने तेस्रो टिम हुने छ । त्यसैले पनि दुवै देशका लागि यो खेल जित्नै पर्ने दबाब रहेको छ ।