कारागार भित्र रहेका शर्मालाई लागु औषध पुर्याउन खोज्ने तिरुवा पक्राउ

१७ माघ बर्दिया । कैदी भेटन आएका एक युवकलाई प्रहरीले पक्राउ गरेको छ । बर्दिया कारागारमा रहेका बर्दिया मधुवन नगरपालिका ९ का कमल शर्मालाई भेटन आएका गुलरिया नगरपालिका २ संगमवस्तीका २२ वर्षिय विजय तिरुवालाई प्रहरीले पक्राउ गरेको हो ।

तिरुवाले शर्मालाई भेटने बहानामा काँचो माछा भित्र ब्राउन सुगर लुकायर ल्याएका  थिए । सो माछा भित्र ५ सय २० मिलिग्राम ब्राउन सुगर रहेको जिल्ला प्रहरी कार्यालय बर्दियाका सूचना अधिकारी प्रहरी नायव उपरीक्षक तुल्सिराम अर्यालले बताए। काँचो माछा शर्मालाई दिने भनेर उनले ल्याएको देखिएको प्रहरीको भनाई छ ।