उच्च र जिल्ला अदालतका न्यायाधीशहरूको सरुवा

२३ माघ, काठमाडौं । न्याय परिषदको आज बसेको बैठकले उच्च अदालतका ३ जना र जिल्ला अदालतका ९ न्यायाधीशहरूको काज र सरुवा गरेको छ । प्रधानन्यायाधीश विश्वम्भरप्रसाद श्रेष्ठको अध्यक्षतामा मंगलबार बिहान बसेको न्यायपरिषदको बैठकले उच्च अदालतका ३ न्यायाधीशको काज सरुवा गरेको हो । 

न्यायपरिषद्ले उच्च अदालत तुलसीपुर बुटवल विष्णुप्रसाद अर्याललाई उच्च अदालत तुलसीपुर, उच्च अदालत सुर्खेतका रामेश्वर रेग्मीलाई उच्च अदालत पाटन, उच्च अदालत सुर्खेतका काजीबहादुर राईलाई उच्च अदालत विराटनगरको इलाम इजलासमा सरुवा गरिएको छ । 

उता उच्च अदालत तुलसीपुर बुटवल इजालसका विष्णुप्रसाद अर्याललाई उच्च अदालत तुलसीपुरमा काज सिफारिस गरिएको छ । न्यायपरिषद्ले जिल्ला अदालतका ६ जना न्यायाधीशको पनि सरुवा सिफारिस गरेको छ । 

जसअनुसार जिल्ला अदालत सुनसरीका हरिप्रसाद कोइरालाको जिल्ला अदालत कास्कीमा सरुवा गरिएको छ भने जिल्ला अदालत कास्कीका ऋषिराम आचार्यको जिल्ला अदालत ललितपुरमा सरुवा भएको छ । जिल्ला अदालत कास्कीबाट अवनी मैनाली भट्टराईको जिल्ला अदालत मकवानपुरमा सरुवा भएको छ । 

तेह्रथुम जिल्ला अदालतका प्रमेश पोखरेलको जिल्ला अदालत पर्सा मा सरुवा सिफारिस गरिएको छ । रौतहट जिल्ला अदालतका तेजबहादुर खड्काको झापा जिल्ला अदालत, झापा जिल्ला अदालतका भीमबहादुर निरौलाको सरुवा तेह्रथुम जिल्ला अदालतमा गरिएको छ । 

यस्तै न्यायपरिषद्ले डडेलधुरा जिल्ला अदालतका जयराम ढकालको जिल्ला अदालत चितवन, जिल्ला अदालत नवलपुरका न्यायाधीश बाबुराम सुवेदीको जिल्ला अदालत मोरङ, दाङ जिल्ला अदालतका कुलप्रसाद पाण्डे पाण्डेको नवलपुर जिल्ला अदालत र बैतडी जिल्ला अदालतका जिल्ला न्यायाधीश हर्कबहादुर क्षेत्रीलाई डडेलधुराको जिल्ला न्यायाधीशको हैसियतमा काज सरुवा गरिएको छ ।