नेपाल प्रहरीले माग्यो १८ सय कर्मचारी, चैत ९ गतेसम्म आवेदन दिन सकिने

२६ माघ, काठमाडौं । नेपाल प्रहरीले ठूलो संख्यामा कर्मचारी भर्ना गर्न रिक्त पदपूर्तिका लागि आवेदन मागेको छ । नेपाल प्रहरी प्रधान कार्यालयले जनपद प्रहरी समूहतर्फ रिक्त प्रहरी जवान र प्रहरी कार्यालय सहयोगी पदहरुमा दरखास्त माग गरेको हो । 

खुला तथा समावेशीसहित एक हजार ८५६ पदका लागि आवेदन माग गरिएको छ । खुला प्रतियोगिताद्वारा समावेशी प्रावधान बमोजिम पदपूर्ति गर्नुपर्ने भएकाले योग्य उमेदवारले दरखास्त दिन सक्नेछन् । चैत ९ गतेसम्म आवेदन दिन सकिने बताइएको छ ।