स्वास्थ्य व्यवसायी परिषद्को लाइसेन्स परीक्षा आवेदन खुला

१ फागुन, काठमाडौं । नेपाल स्वास्थ्य व्यवसायी परिषद्को नवौँ लाइसेन्स परीक्षाका लागि अनलाइन आवेदन खुला गरिएको छ । प्रमाणपत्र, स्नातक र स्नातकोत्तर तहका स्वास्थ्यकर्मीको परीक्षाका लागि मंगलबारदेखि आवेदन आह्वान गरिएको हो ।

आउँदो फागुन २८ गतेसम्म नियमित शुल्क तीन हजार र फागुन २९ देखि चैत ५ सम्म दोब्बर दस्तुर ६ हजार रुपैयाँ तिरेर अनलाइन फाराम भर्न सकिने परिषद्ले जनाएको छ । स्वास्थ्यका करिब ४० विषयमा काम गर्ने अनुमतिका लागि परिषद्ले लाइसेन्स प्रदान गर्दै आएको छ ।