बराह बाहिनीका डीआईजीमाथि मूख्यालयको सोधखोज, सशस्त्रको डिउटीबाटै नक्कली नोट कसरी छिर्यो ?
नेपालबहस संवाददाता
फागुन १, २०८० मंगलबार १८:११:३२
१ फागुन, काठमाडौं । सुनसरीको इनरुवाबाट दुई करोड बराबरको नेपाली नक्कली नोट फेला परेपछि बराह बाहिनीको कमाण्ड सम्हालेका सशस्त्रका डीआईजी अञ्जनी कुमार पोखरेल अप्ठेरोमा परेका छन् । सीमा क्षेत्रको सुरक्षामा खटिएका सशस्त्र प्रहरीलाई छलेर वा सहमतिमा नक्कली नोट नेपाल आएको हो भन्ने विषयमा सशस्त्र प्रहरी मुख्यालयले सोधखोज गरेपछि उनी अप्ठ्यारोमा परेका हुन् ।
सशस्त्र प्रहरी सीमा सुरक्षा कमाण्ड पोष्ट नजिकबाट नेपाल प्रहरीले सो रकम बरामद गरेको थियो । सुनसरी खोला पुल नजिकबाट भारत बिहारका २२ वर्षीय महम्मद शैयाद साफी १ करोड ८२ लाख एकाउन्न हजार रकमसहित पक्राउ परेका थिए ।
पश्चिमबाट पूर्वतर्फ आउँदै गरेको बीआर ११ एक्स ३४२९ नम्बरको स्कारपियो गाडी चेक जाँचका क्रममा एक हजार दरका १८ हजार २ सय ५१ थान नक्कली नोट बरामद भएको थियो । नेपाल प्रहरीसहितको चेकिङ देखेर स्कारपियोमा सवार अर्का व्यक्ति भने फरार भएको सुनसरी प्रहरीले जनाएको छ ।
फरार व्यक्तिको खोजी भइरहेको जनाएको प्रहरीले नक्कली नोट कहाँबाट ल्याइएको भन्ने विषय भने अनुसन्धानकै क्रममा रहेको जनाएको छ । नक्कली नोटको ओसारपसारमा प्रयोग भएको गाडी र सवारी चालक भारतीय भएकाले कारोबारीको संलग्नता सीमा पारीबाट समेत हुनसक्ने विषयलाई भने नकार्न नसकिने प्रहरीको भनाई छ ।
सुनसरीको नेपाल–भारत सीमा क्षेत्रमा व्यापक रूपमा सशस्त्र प्रहरी खटाइएको छ । एक वर्ष अघि १० वटा सुरक्षा पोस्ट थप गरेर सशस्त्र प्रहरीको ५५ वटा कमाण्ड पोष्ट रहेका छन् । सुनसरीको विभिन्न नाकामा नौ वटा बीओपी पोस्ट तैनाथ गरिएकोमा हाल १० वटा थप गरिएको छ । करिब सात सय पाँच जना सशस्त्र प्रहरीलाई एकदेखि साढे एक किलोमिटरको अन्तरमा ५५ वटा पोस्ट खडा गरेर खटाइएको छ । सुनसरीमा ६२ किलोमिटर सीमा क्षेत्र पर्छ । तर पनि त्यहीँबाट नक्कली नोट कसरी प्रवेश गर्यो भन्ने बारेमा सशस्त्र प्रहरी बल मुख्यालयले चासो राखेको छ ।
सशस्त्र प्रहरीको उत्कृष्ट सम्मान ग्रहण गरेर कोशी प्रदेशको बराह बाहिनी फर्केपछि उनकै कमाण्ड छलेर १ करोड ८२ लाख नक्कली नोट बरामद भएपछि मुख्यालयले चासो राखेको हो । ‘उहाँले आफ्नो क्षेत्रमा सबै नियन्त्रणमा राखेको बताउनु हुन्छ, सीमा क्षेत्रबाट राष्ट्रिय अर्थतन्त्र नै धराशयी बनाउने गरी नक्कली नोट भित्रदाँ उहाँको कमाण्डमा कहाँ कमजोरी छ भनेर हामीले सोधखोज गरेका हौ’, मुख्यालयका एक अधिकृतले भने ।
यस बारेमा के भएको हो भन्ने नेपालबहसको जिज्ञासामा बराह बाहिनीका डीआईजी पोखरेलले नेपाल प्रहरीले छानविन गरिरहेको बताए । उनले भने “ हाम्रो सीमामा केही कमजोरी भयो कि भनेर पनि आन्तरिक रुपमा अध्ययन गरिरहेका छौं ।” तपाईमाथि पनि हेडक्वार्टरले सोधखोज गरेको छ रे नि भन्ने प्रश्नमा डीआईजी पोखरेलले आफूलाई त्यसबारे जानकारी नभएको दावी गर्दै कुनै स्पष्टिकरण पत्र वा सोधपुछ नभएको बताए । तर सशस्त्र प्रहरीका प्रवक्ता एवं सशस्त्र प्रहरी वरिष्ठ उपरीक्षक राजेन्द्र खडकाले भने त्यत्रो ठूलो घटना भइसकेपछि हेडक्वार्टरले चासो नराख्ने कुरै भएन भन्दै केन्द्रले उक्त घटना बारे बुझिरहेको जानकारी दिए । त्यसबारे आज पनि केन्द्रमा छलफल भएको बताउँदै कसको कमजोरी हो भन्ने पत्ता लगाएर गल्ती गर्ने माथि कारबाही हुने बताए ।
यसअघि उनका घुमुवाले आफ्नै कर्मचारीलाई निर्घात कुटपिट गरेका थिए । डीआईजी पोखरेलको निर्देशनमा सशस्त्र प्रहरी बल नम्बर १ बराह बाहिनीबाट निरीक्षणका लागि सादा पोसाकमा खटिएका सशस्त्र प्रहरी निरीक्षक नवलप्रभात राईले ड्युटी राम्रो नगरेको भन्दै झापाको मेचीनगरस्थित नेपाल–भारत सीमा नकलबन्दामा ड्युटीमा खटिएका सशस्त्र प्रहरीमाथि कुटपिट गरेपछि राई निलम्बनमा परेका छन्, डीआईजी भने पुरस्कृत भएका छन् ।
ड्युटी राम्रो नगरेको र तस्करीलाई सघाएको भन्दै पोसाकमा ड्युटी गरिरहेका प्रहरीलाई कुटपिट गरेको भनिएपनि डीआईजी पोखरेलले राईलाई खटाएर आर्थिक लाभ लिन खोजेपछि विवाद बढ्दै गएको र राईले सशस्त्र प्रहरीमाथि कुटपिट गरेकाे बताइन्छ । डीआईजीको आदेश पालना गर्दा आफू अन्यायमा परेको भन्दै धेरै पटक मुख्यालयमा भनिसके पनि सुनुवाई नभएको राईको गुनासो रहेको स्रोतको दावी छ ।
प्रहरी मुख्यालयको घुमुवा नखटाउने निर्देशन विपरीत डीआईजीको आदेशमा झापा पुगेका राईले गत जेठमा सशस्त्र प्रहरी वरिष्ठ हवल्दार पासाङ तामाङ, सशस्त्र प्रहरी हवल्दार रामबहादुर कार्की, गणेश तामाङ र सहायक हवल्दार शान्तबहादुर राई र जवान उमेश राजवंशीलाई कुटपिट गरी घाइते बनाएका थिए । उनीहरूलाई मेची नदीको पानीमा चोबल्दै भाटाले हानेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
फेवातालमा सशस्त्रकाे विपद् उद्धारसम्बन्धी कृतिम घटना अभ्यास
बैशाख १८, २०८१ मंगलबार
सीमा क्षेत्रमा सशस्त्रको पैदल गस्ती सुरु
बैशाख ९, २०८१ आइतबार
गृृहमन्त्री रविको बचाउ प्रकरणले महान्यायाधिक्ता विवादमा
नेपालबहस संवाददाता
बैशाख २६, २०८१ बुधबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
प्रचण्डको यूटर्नले जोगिएको रवि लामिछानेको पद
बैशाख २७, २०८१ बिहिबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
बैशाख २७, २०८१ बिहिबार
भोलिबाट सुरु हुने संसद अधिवेशनमा कसरी प्रस्तुत हुने भन्ने रणनीति बनाउँदै कांग्रेस
बैशाख २७, २०८१ बिहिबार
मधेश प्रदेशमा १० महिनामा आगलागीबाट १९ जनाको मृत्यु
बैशाख २७, २०८१ बिहिबार
मधेशमा सरकारबाट बाहिरिने तयारीमा एमाले र माओवादी
बैशाख २७, २०८१ बिहिबार
हर्क साम्पाङले सोधे धरानका पुर्व मेयर र उपमेयरलाई ९ बुँदे स्पष्टीकरण (पूर्णपाठ)
बैशाख २७, २०८१ बिहिबार
महालक्ष्मी विकास बैंकद्वारा विभिन्न सामाजिक संघसंस्थाहरूलाई सहायता वितरण
बैशाख २७, २०८१ बिहिबार
प्रहरी अतिरिक्त महानिरीक्षकमा जोशी र ढकाललाई बढुवा गर्ने मन्त्रिपरिषदको निर्णय
बैशाख २७, २०८१ बिहिबार
कोशीका मुख्यमन्त्री कार्कीले लिए शपथ, दुई जना विना विभागीय मन्त्री नियुक्त
बैशाख २७, २०८१ बिहिबार