सिंगटी हाइड्रो इनर्जीको शतप्रतिशत हकप्रद शेयर बिक्री खुला

२ फागुन, काठमाडौं । सिंगटी हाइड्रो इनर्जीले आजदेखि शतप्रतिशत हकप्रद शेयर बिक्री खुला गरेको छ । कम्पनीले १ः१ अनुपातमा १ करोड ४५ लाख कित्ता शेयर बिक्री खुला गरेको हो । जसअनुसार यसले १ सय अंकित मूल्यमा १ अर्ब ४५ करोड रूपैयाँ बराबरको हकप्रद शेयर निष्काशन गरेको हो ।

यस हकप्रद शेयरलाई क्रेडिट रेटिङ एजेन्सी केयर नेपालले केयर एनपी डबल रेटिङ्ग प्रदान गरेको छ । यसले वित्तीय दायित्व पुरा गर्ने क्षमता मध्यम जोखिम रहेको संकेत गर्दछ । यस हकप्रद शेयरमा कुमारी क्यापिटलले बिक्री प्रबन्धकको काम गर्नेछ ।

शेयरमा कुमरी क्यापिटल र कुमारी बैंकको तोकिएको शाखा कार्यालदयबाट आवेदन दिन सकिन्छ । यसका साथै धितोपत्र बोर्डबाट आस्वा अनुमति प्राप्त बैंक तथा वित्तीय संस्था र मेरो शेयरमार्फत आवेदन दिन सकिनेछ । हाल कम्पनीको चुक्ता पुँजी १ अर्ब ४५ करोड रूपैयाँ रहेको छ ।

हकप्रद शेयर जारी भएपछि यस कम्पनीको चुक्ता पुँजी २ अर्ब ९० करोड रूपैयाँ पुग्नेछ । यस हकप्रद शेयरको लागि कम्पनीले पुस २२ गते बुक क्लोज गरिसकेको छ । तसर्थ, पुस १९ गतेसम्म कायम लगानीकर्ताले शेयर दाबी गर्न पाउनेछन् । सिंगटी हाइड्रोले जारी गर्न लागेको हकप्रद शेयरमा लगानीकर्ताले फागुन २२ गतेसम्म आवेदन दिन सक्नेछन् ।